اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ مسلم لیگ ن جھوٹ اور دھوکہ دہی کی بنیاد پر تشکیل میں آئی۔
وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر لکھا کہ مسلم لیگ ن کے حمایتی دن رات بتاتے تھے کہ نواز شریف کتنے بیمار ہیں اور اگر نواز شریف کو بیرون ملک نہ بھیجا گیا تو کس طرح ان کی جان کو خطرہ لاحق ہو گا۔
انہوں نے کہا کہ کل سے یہ حضرات کہہ رہے ہیں کہ حکومت نے خود نواز شریف کو بھیجا تھا اب ہم کیسے بلوائیں۔ یہی وہ دھوکہ دہی اور جھوٹ ہے جس کی بنیاد پر مسلم لیگ ن کی تشکیل ہوئی۔
نون لیگ کے لیڈرز اور میڈیا میں ان کے حمائیتی دن رات بتاتے تھے کہ نواز شریف کتنے بیمار ہیں اور اگر نہ بھیجا گیا تو کس طرح ان کی جان کو خطرہ لاحق ہوگا، کل سے یہ حضرات کہ رہے ہیں حکومت نے خود بھیجا تھا،ہم کیسے بلوائیں،یہی وہ دھوکہ دہی اور جھوٹ ہےجس کی بنیاد پر نون لیگ کی تشکیل ہوئ
— Ch Fawad Hussain (@fawadchaudhry) August 23, 2020
گزشتہ روز فواد چوہدری نے کہا تھا کہ سابق وزیر اعظم نواز شریف کی وطن واپسی کے لیے برطانوی حکومت سے رابطہ درست فیصلہ ہے۔
فواد چودھری کا کہنا تھا کہ نواز شریف کی میڈیکل رپورٹس کی انکوائری بھی حکومت کا درست فیصلہ ہے۔ نواز شریف کی لندن روانگی نے پاکستان تحریک انصاف (پی ٹی آئی) کے بیانیے اور احتساب کے عمل کو دھچکہ دیا۔
یہ بھی پڑھیں: جعلی میڈیکل رپورٹس بنانا جرم ہے ذمہ داروں کو سزا ہونی چاہیے، فواد چوہدری
ان کا کہنا تھا کہ جعلی رپورٹس کی تیاری میں جن لوگوں کا کردار ہے ان کو نشان عبرت بنانا چاہیے۔ نواز شریف کی واپسی کے لیے وفاقی کابینہ میں بھی بات ہوئی،
سابق وزیر اعظم کی واپسی کے لیے طریقہ کار وضع کر دیا جائے گا۔
