اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ ہم نے پاکستان میں بننے والی گاڑیوں کا معیار طے کر لیا ہے۔
سماجی رابطے کی ویب سائٹ ٹوئٹر پر وفاقی وزیر سائنس و ٹیکنالوجی فواد چوہدری نے لکھا کہ ایک ماہ میں گاڑیوں کا ابتدائی معیار کابینہ کی منظوری کے لیے پیش کر دیں گے۔
انہوں نے کہا کہ میرے اندازے سے یہ بہت مشکل کام تھا اور اس میں بہت رکاوٹیں بھی ڈالی گئیں لیکن میں جو ٹھان لیتا ہوں وہ کر کے رہتا ہوں۔
پاکستان میں بننے والی گاڑیوں کے اسٹینڈرڈز طے کر کئے ہیں ایک ماہ کے اندر ابتدائ اسٹنڈرڈز کابینہ کی منظوری کیلئے پیش کر دیں گے، میرے اندازے سے بہت مشکل کام تھا بہت رکاوٹیں ڈالی گئیں لیکن میں جو ٹھان لیتا ہوں کر کے رہتا ہوں:) https://t.co/KrJCLd9XJE
— Ch Fawad Hussain (@fawadchaudhry) August 25, 2020
واضح رہے کہ سماجی رابطے کی ویب سائٹ ٹوئٹر پر فواد چوہدری کے ایک فالوورز نے لکھا تھا کہ چوہدری صاحب! باقی تو آپ نے کافی اچھے اقدامات اٹھائے مختلف ٹیکنالوجیز میں لیکن پاکستان میں کار مافیا 10-15 لاکھ میں ٹین ڈبہ ہی تیار کر کے دیتا ہے۔
یہ بھی پڑھیں: وفاقی وزیر کیجانب سے واجب القتل کا لفظ استعمال کرنا مناسب نہیں، فواد چوہدری
ان کا کہنا تھا کہ اس معاملے میں چائنا کی خدمات کیوں حاصل نہیں کی جاتیں جبکہ مناسب قیمت فائٹر جیٹ میں بھی ہمیں چائنہ تیار کر کے دے رہا ہے۔