اسلام آباد: ورسٹائل اداکار حمزہ علی عباسی نے شادی کی پہلی سالگرہ کے موقع پر اپنی اہلیہ نیمل خاور اور بیٹے محمد مصطفیٰ عباسی کے ساتھ ایک خوبصورت تصویر شیئر کی ہے۔
سماجی رابطوں کی ویب سائٹس ٹوئٹر اور انسٹاگرام پر شیئر کی گئی تصویر میں حمزہ نے اپنے بیٹے مصطفیٰ عباسی کو اٹھا رکھا ہے جبکہ ان کے ساتھ کھڑی نیمل مسکرا رہی ہیں۔
حمزہ علی عباسی کی اہلیہ نیمل خاور نے بھی فوٹو اور ویڈیو شیئرنگ ایپپلیکیشن انسٹاگرام پر اپنی فیملی کی تصویر شیئر کی ہے۔
تصویر کے ساتھ نیمل نے تحریر کیا ہے کہ اللہ تعالیٰ کی بہت شکر گزار ہوں۔ شادی کی سالگرہ۔
30 جولائی 2020 کو اداکار حمزہ علی عباسی اور اداکارہ نیمل خاور کے گھر ننھے مہمان کی آمد ہوئی تھی جس کا نام محمد مصطفیٰ عباسی رکھا گیا تھا۔
حمزہ علی عباسی نے سماجی رابطوں کی ویب سائٹس پر مداحوں کو اس خوشخبری کی اطلاع دی تھی۔
Allah has blessed me and Naimal with a baby boy, Muhammad Mustafa Abbasi. I pray that he becomes a grateful servant of Allah, a good, humble & honest human being and may Allah bless him in this life and the next. Please pray for us❤️
— Hamza Ali Abbasi (@iamhamzaabbasi) August 2, 2020
اداکار نے اپنے پیغام میں بیٹے کے لیے دعائیہ کلمات لکھے جس میں انہوں نے کہا کہ دعا ہے کہ میرا بیٹا شکر گزار، شائستہ اور ایماندار انسان بنے اور اللہ اس کی دنیا و آخرت کی زندگی سنوار دے۔ ہمیں دعاؤں میں یاد رکھیے گا۔
یہ بھی پڑھیں: حمزہ علی عباسی اور نیمل خاور کے گھر ننھے مہمان کی آمد
نیمل اور حمزہ گزشتہ برس 26 اگست کو رشتہ ازدواج سے منسلک ہوئے تھے۔