ممبئی: بھارتی کرکٹ ٹیم کے کپتان ویرات کوہلی کی اہلیہ انوشکا شرما امید سے ہیں جس کا اعلان ویرات نے سوشل میڈیا پر جاری کیے گئے ایک پیغام میں کیا۔
سماجی رابطوں کی ویب سائٹ ٹوئٹر پر شیئر کیے گئے پیغام میں ویرات نے اپنی اور انوشکا کی ایک تصویر مداحوں سے شیئر کی۔
And then, we were three! Arriving Jan 2021 ❤️? pic.twitter.com/0BDSogBM1n
— Virat Kohli (@imVkohli) August 27, 2020
تصویر کے ساتھ انہوں نے تحریر کیا کہ ’اور اب ہم تین ہونے جارہے ہیں، جنوری 2021 میں آمد متوقع ہے ۔‘
ویرات کی جانب سے جاری کردہ تصویر میں انوشکا سیاہ رنگ کے لباس میں نہایت خوش دکھائی دے رہی ہیں جبکہ ان کے عین پیچھے بڑی سی مسکراہٹ کے ساتھ ویرات کوہلی کھڑے ہیں۔
یہ بھی پڑھیں: شادی کی پہلی سالگرہ پر انوشکا شرما اور ویراٹ کوہلی کے خوبصورت پیغامات
بھارتی کرکٹ ٹیم کے کپتان ویرات کوہلی اور انوشکا شرما نے 11 دسمبر 2017 میں شادی کی تھی تاہم اب شادی کے تقریبا تین سال کے بعد وہ اپنے پہلے بچے کی پیدائش کے منتظر ہیں۔
انوشکا شرما اور ویرات کوہلی نے نہایت خوبصورت تصویر سوشل میڈیا پر جاری کرتے ہوئے اپنے مداحوں کو یہ خوشخبری سنائی ہے۔
ویرات کوہلی کی جانب سے یہ خبر شیئر کیے جانے کے بعد انہیں ٹوئٹر پر سب سے پہلی مبارکباد ان کی انڈین پریمیئر لیگ (آئی پی ایل) کی ٹیم رائل چیلنجرز بنگلور کی جانب سے دی گئی۔
Congratulations to @imVkohli and @AnushkaSharma on the new family member coming home in Jan! ??
We couldn’t be more excited! ?
Drop a ❤️ to wish the happy couple! https://t.co/sK0QiROsqZ
— Royal Challengers Bangalore (@RCBTweets) August 27, 2020
انوشکا اور ویرات کے مداح یہ خبر سن کر اس خوبصورت جوڑی کے لیے خوشی اور نیک خواہشات کا اظہار کر رہے ہیں۔
