اسلام آباد: چیئرمین سی پیک اتھارٹی عاصم سلیم باجوہ نے کہا ہے کہ سی پیک کے تحت جاری منصوبوں پر کام تیزی سے جاری ہے۔
سماجی رابطوں کی ویب سائٹ ٹوئٹر سے جاری اپنے پیغام میں ان کا کہنا تھا کہ گوادر ایسٹ بے ایکسپریس پر کام 80 فیصد مکمل ہو گیا ہے۔
ان کا کہنا تھا کہ ایسٹ بے ایکسپریس پر تارکول ڈال دیا گیا ہے۔
#Gwadar Update: East Bay Expressway progress 80%. Asphalt underway, will boost Port operations big way. #cpec #cpecmakingprogress pic.twitter.com/nSq4EC981v
— Asim Saleem Bajwa (@AsimSBajwa) September 11, 2020
مقامی افراد کو روزگار کے مواقع فراہم کریں گے، چیئرمین سی پیک اتھارٹی
یاد رہے کہ گزشتہ ماہ چیئرمین سی پیک اتھارٹی عاصم سلیم باجوہ نے اپنی ٹوئٹ میں کہا تھا کہ مقامی افراد کو ترجیحی بنیادوں پر روزگار کے مواقع فراہم کریں گے۔
چئیرمین سی پیک اتھارٹی عاصم سلیم باجوہ نے سماجی رابطے کی ویب سائٹ ٹوئٹر پر سی پیک کے مختلف شعبوں میں نوکری کے لیے اپلائی کے طریقہ کار کا اعلان کر دیا۔
انہوں نے کہا کہ شنگھائی الیکڑک کے تحت 1100 سے زائد روزگار کے مواقع میسر ہوں گے جس میں مقامی افراد کو ترجیحی بنیاد پر روزگار کے مواقع فراہم کیے جائیں گے۔
اس سے قب؛ چیئرمین سی پیک اتھارٹی عاصم سلیم باجوہ نے کہا تھا کہ سی پیک کے تحت خصوصی اقتصادی زونز کے قیام کا آغاز جلد ہو گا اور اقتصادی زونز کے لیے صنعتی مہارتوں کی حامل ورک فورس درکار ہو گی۔
ان کا کہنا تھا کہ نیوٹیک اورٹویٹا کے تعاون سے ہیومن ریسورس ڈویلپمنٹ حکمت عملی تیارکی جارہی ہے۔ وزیراعظم کی ہدایت کے مطابق روزگار کے مواقع پیدا کرنے کے ساتھ پیداواری صلاحیت بھی بڑھائیں گے۔
خیال رہے کہ رواں ماہ کے آغاز پر حکومت نے سی پیک کے تحت نوجوان کے لیے انٹرن شپ پروگرام کا آغاز کر دیا تھا۔
چیئرمین سی پیک اتھارٹی عاصم سلیم باجوہ نے کہا تھا کہ انسانی و سماجی ترقی ہماری ترجیح ہے، 60 فیصد نوجوان آبادی، ملک کی ترقی کا پیش خیمہ ہے۔
