اسلام آباد: وزیر اعظم عمران خان نے کہا ہے کہ کل ہم لاکھوں بچوں کے اسکولوں میں واپس آنے کا خیرمقدم کرتے ہیں۔
وزیر اعظم عمران خان نے سماجی رابطے کی ویب سائٹ ٹوئٹر پر لکھا کہ ہر بچے کی حفاظت یقینی بنانا ہماری اجتماعی ذمہ داری ہے۔
Today we welcome millions of children back to school. It is our priority & collective responsibility to ensure that every child can go to school safely to learn. We have worked to ensure that school operations are aligned with public health safety rules on #COVID19.#SafeAtSchool
— Imran Khan (@ImranKhanPTI) September 14, 2020
وزیر اعظم نے کہا کہ ہماری ترجیح اور ذمہ داری ہے کہ ہر بچہ محفوظ طریقے سے اسکول جائے اور یقینی بنایا جائے کہ اسکول آپریشنز صحت عامہ کے تحفظ کے اصولوں کے مطابق ہوں گے۔
واضح رہے کہ 7 ستمبر کو وفاقی حکومت نے ملک بھر میں کورونا وائرس کے باعث بند تعلیمی ادارے 15 ستمبر سے کھولنے کا حتمی اعلان کیا تھا۔
یہ بھی پڑھیں: ایس او پیز پر عمل نہ کرنے والے اسکول حکومت بند کردے گی، شفقت محمود
میٹرک اور اس سے آگے کی کلاسوں کا آغاز 15 ستمبر سے ہو جائے گا جبکہ چھٹی سے آٹھویں کلاسز کے اسکول 23 ستمبر سے کھلیں گے اور 30 ستمبر کو حالات کا جائزہ لینے کے بعد پرائمری اسکول کھولےجائیں گے۔