اسلام آباد: وزیر اعظم عمران خان نے کہا ہے کہ اگست میں سمندر پار پاکستانیوں نے ترسیلات زر کی مد میں 2 ہزار 95 ملین ڈالر بھجوائے۔
وزیر اعظم عمران خان نے سماجی رابطے کی ویب سائٹ پر لکھا کہ سمندر پار پاکستانیوں کی جانب سے بھجوائے گئے ترسیلات زر گزشتہ سال اگست کے مقابلے میں 24.4 فیصد زائد ہیں۔
Overseas Pakistanis sent $2,095 million in remittances in August 2020 – 24.4% higher than Aug. last year – in addition to the record $2,768 million in July 2020. For the first two months of this fiscal year our remittances are up 31% over the same period last year. Alhamdulillah
— Imran Khan (@ImranKhanPTI) September 14, 2020
وزیر اعظم نے کہا کہ جولائی میں یہ ترسیلات 2 ہزار 768 ملین ڈالر کی ریکارڈ سطح تک پہنچیں۔
دوسری جانب اسٹیٹ بینک پاکستان نے کہا کہ اگست میں ترسیلات زر 2 ارب ڈالر سے زائد رہیں اور تیسرے ماہ بھی ترسیلات زر 24.4 فیصد اضافے کے ساتھ 2.095 بلین ڈالر رہیں۔ ترسیلات زر میں اضافہ اسٹیٹ بینک کے تخمینوں سے ہم آہنگ ہے۔
اسٹیٹ بینک کے مطابق گزشتہ 3 ماہ میں ترسیلات زر 7.3 ارب ڈالر کی غیر معمولی سطح پر پہنچ گئیں اور گزشتہ سال کے اسی عرصے کے دوران ترسیلات 37.2 فیصد زائد رہیں۔
یہ بھی پڑھیں: بچوں کے اسکولوں میں واپس آنے کا خیرمقدم کرتے ہیں، وزیر اعظم
اس سے قبل چیئرمین سی پیک اتھارٹی عاصم سلیم باجوہ نے کہا کہ رشکئی اسپیشل اکنامک زون کی ڈویلپمنٹ کے لیے معاہدے پر دستخط آج ہوں گے۔
چیئرمین سی پیک اتھارٹی لیفٹیننٹ جنرل (ر) عاصم سلیم باجوہ نے سماجی رابطے کی ویب سائٹ ٹوئٹر پر لکھا کہ رشکئی اسپیشل اکنامک زون کی ڈویلپمنٹ کے لیے معاہدے پر دستخط کی تقریب وزیراعظم ہاؤس اسلام آباد میں ہوگی۔