اسلام آباد: وفاقی وزیر تعلیم شفقت محمود نے کہا ہے کہ حکومت کی جانب سے کیمبرج انتظامیہ پر طلبا کا امتحان لینے کی کوئی پابندی نہیں۔
اپنے بیان میں انہوں نے کہا کہ یہ کیمبرج یا کسی بھی ادارہ پر منحصر ہے کہ وہ امتحان لینا چاہتے ہیں یا نہیں۔ یہ فیصلہ حکومت نے نہیں، خود انہیں کرنا ہے۔
انہوں نے کہا کہ حکومت عام پالیسی بناتی ہے، جو ہر ایک پر لاگو ہوتی ہے۔ حکومت نے پندرہ جولائی سے امتحانات کی اجازت دے رکھی ہے۔
Re CAIE students. Government makes policy that applies to everyone. As far back as July 15, NCOC allowed all organisations to take exams if they so chose. This order still stands. Govt cannot make an exception and ask Cambridge not to take exams when everyone else is allowed.
— Shafqat Mahmood (@Shafqat_Mahmood) September 21, 2020
وفاقی وزیرتعلیم نے ایک ٹویٹ میں وضاحت کی کہ جب تمام اداروں کو امتحانات لینے کی اجازت ہے تو کیمبرج کو اجازت کیسے نہیں ہے۔ حکومت کسی ایک کیلئے الگ پالیسی نہیں بناتی۔
اے اور او لیول کے امتحانات شیڈول کے مطابق جاری رہیں گے، شفقت محمود
