سابق آسٹریلوی کرکٹر اور کمنٹریٹر ڈین جونز دل کا دورہ پڑنے کے باعث انتقال کر گئے۔
بھارتی میڈیا کے مطابق ڈین جونز کو دل کا شدید دورہ پڑا جو جان لیوا ثابت ہوا۔ سابق آسٹریلوی کرکٹر ممبئی کے اسپتال میں زیرعلاج تھے۔
سابق آسٹریلوی کرکٹر ڈین جونز اسلام آباد یونائیٹڈ اور کراچی کنگز کے کوچ بھی رہے۔ ان کی کوچنگ میں اسلام آباد یونائیٹڈ نے دو پی ایس ایل ٹائٹل جیتے۔ ڈین جونز اچھے کمنٹیٹر بھی تھے۔
دنیائے کرکٹ سے تعلق رکھنے والے افراد نے ڈین جونز کی وفات پر افسوس کا اظہار کیا ہے۔
سماجی رابطوں کی ویب سائٹ ٹوئٹر پر شیئر کیے گئے پیغام میں آسٹریلوی کرکٹر ڈیرن لیہمن کا کہنا تھا کہ ڈین جونز کی موت پر بہت افسوس ہے، ہماری تمام تر نیک تمنائیں ان کے خاندان کے ساتھ ہیں۔
Dean Jones will be missed , he taught me so much on and off the ground , I and all of the cricketing world will miss him . Our thoughts are with Jane and the family at this time, lots of love from the lehmanns xx https://t.co/tczPeAshYL
— Darren Lehmann (@darren_lehmann) September 24, 2020
پاکستانی کرکٹر اور کمنٹیٹر رمیض راجہ ننے ٹوئٹر پیغام میں تحریر کیا کہ ڈین جونز کے انتقال پر بہت افسوس ہوا،
ڈین ایک بہت اچھے اور پر خلوص انسان تھے۔
In complete shock to hear about Dean Jones sad passing. One of a kind you were Deano and how lonely and helpless you must have felt on your own in that hotel room-a death we commentators fear the most, and likely to meet, helpless and gone in that hotel room…RIP my friend.
— Ramiz Raja (@iramizraja) September 24, 2020
آسٹریلوی کرکٹر ڈیوڈ وارنر نے ڈین جونز کی وفات پر افسوس کا اظہار کرتے ہوئے کہا کہ ڈین جونز کے انتقال کی خبر سن کر یقین نہیں آرہا، ڈین جونز کو ہمیشہ یاد رکھا جائے گا۔
I can’t believe this news. So very sad to hear about this. Rip Deano, you will be missed. pic.twitter.com/Mc8h36gnWe
— David Warner (@davidwarner31) September 24, 2020
بھارتی کرکٹر ویرات کوہلی نے ٹوئٹر پیغام میں تحریر کیا کہ ڈین جونز کی وفات کا سن کر گہرا صدمہ پہنچا ہے، میری تمام تر نیک تمنائیں ان کے خاندان کے ساتھ ہیں۔
Shocked to hear about the tragic loss of Dean Jones. Praying for strength and courage to his family and friends. ??
— Virat Kohli (@imVkohli) September 24, 2020
پاکستانی کرکٹر شاداب خان نے ڈین جونز کی وفات پر افسوس کا اظہار کرتے ہوئے ٹوئٹر پیغام میں لکھا کہ اسلام آباد یونائیٹڈ کے بڑے اسٹیج پر میرے پہلے کوچ ڈین جونز اب اس دنیا میں نہیں رہے۔ میں ہمیشہ آپ کا مشکور رہوں گا۔
My first coach at the big stage at @IsbUnited: @ProfDeano is no more. Thank you for everything coach, may you rest in peace. Rest in peace professor. pic.twitter.com/zq2Tf6WI9Q
— Shadab Khan (@76Shadabkhan) September 24, 2020
سابق پاکستانی کھلاڑی جاوید میانداد نے ہم نیوز سے بات کرتے ہوئے کہا کہ ڈین جونز کو پاکستان سے لگاؤ تھا اور ان کے انتقال سے کرکٹ کی دنیا میں خلا پیدا ہو گیا ہے۔ ڈین جونز اچھے کرکٹر اور بہترین کمنٹریٹر تھے۔
انہوں ںے کہا کہ ڈین جونز جہاں بھی جاتے پاکستان کی تعریف ہی کرتے تھے۔ ڈین جونز پاکستان کے سفیر اور حامی تھے وہ بڑے تحمل مزاج اور عاجزی پسند شخصیت تھے۔
سابق آسٹریلوی کرکٹر ڈین جونز کی عمر 59 سال تھی، وہ 24 مارچ 1961 میں میلبرن میں پیدا ہوئے ،ڈین جونز 1987 کا ورلڈ کپ جیتنے والی آسٹریلوی ٹیم کے اہم رکن تھے۔ ڈین جونز آسٹریلیا کے لیے 1987 ورلڈ کپ کے ہیرو تھے۔
ڈین جونز نے کورونا وائرس سے قرنطینہ ہونے کے بعد کرکٹرز کی سوشل میڈیا پر آن لائن کوچنگ شروع کر دی تھی۔
یہ بھی پڑھیں: پی سی بی نے زمبابوے کے دورہ پاکستان کی تصدیق کر دی
دین جونز نے اپنے کیریئر میں 52 ٹیسٹ اور 164 ایک روزہ میچز کھیلے ٹیسٹ کرکٹ میں ان کے سب سے زیادہ رنز 216 تھے۔ ایک روزہ میچوں میں انہوں نے 11 سینچریاں اور 46 ففٹیز اسکور کیں۔
30 جنوری 1984 میں پاکستان کے خلاف ایک روزہ میچوں میں ڈیبیو کرنے والے ڈین جونز نے 6 اپریل 1994 میں اپنا آخری میچ جنوبی افریقہ کے خلاف کھیلا تھا۔