اسلام آباد: وفاقی وزیر برائے سائنس و ٹیکنالوجی فواد چودھری نے کہا ہے کہ بغاوت کے مقدمے بنانا ہماری پالیسی نہیں ہے۔
اشتعال انگیز تقریر، سابق وزیر اعظم نواز شریف کیخلاف مقدمہ درج
بغاوت کے مقدمے بنانا ہماری پالیسی نہیں ہے، یہ نواز شریف کے دور کی باتیں ہیں، تحریک انصاف سیاسی جماعت ہے سیاست کی شطرنج پر ابھی ہماری چال باقی ہے، نون لیگ پیادے بچائے شاہ اور وزیر کا کھیل ابھی دور ہے، ابھی کھیل شروع ہوا ہے جلدی کیا ہے۔
— Ch Fawad Hussain (@fawadchaudhry) October 5, 2020
ہم نیوز کے مطابق سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں انہوں نے کہا کہ یہ نواز شریف کے دور کی باتیں ہیں۔ انہوں نے کہا کہ پاکستان تحریک انصاف سیاسی جماعت ہے۔
نواز شریف اداروں کو لڑانا چاہتے ہیں،ان کی تقریر قوم سے مذاق ہے: فواد چودھری
پی ٹی آئی سے تعلق رکھنے والے وفاقی وزیر فواد چودھری نے کہا کہ سیاست کی شطرنج پر ابھی ہماری چال باقی ہے۔
ابو بچاؤ مہم اب پاکستان انتشار پارٹی کے طور پر ابھر رہی ہے،فواد چودھری
فواد چودھری نے مشورہ دیا کہ ن لیگ پیادے بچائے۔ ان کا کہنا تھا کہ شاہ اور وزیر کا کھیل ابھی دور ہے۔ انہوں نے واضح کیا کہ ابھی کھیل شروع ہوا ہے۔ انہوں نے استفسار کیا کہ ابھی جلدی کیا ہے؟
وزیر اعظم کو اس FIR کا کوئ علم نہیں تھا جب میں ان کے علم میں لایا کہ اس طرح ایک FIR ہوئ ہے جس میں نواز شریف اور دیگر لوگوں کو نامزد کیا گیا ہے انھوں نے شدید ناپسندیدگی کا ااظہار کیا ، ہو سکتا ہے کسی نے کاروائ ڈالنے کیلئے ایسا کیا ہو دیکھتے ہیں۔ https://t.co/uZYnwX2FCR
— Ch Fawad Hussain (@fawadchaudhry) October 5, 2020
وفاقی وزیر فواد چودھری نے اس سے قبل اپنے ایک ٹوئٹ پیغام میں کہا کہ وزیراعظم کو اس ایف آئی آر کا کوئی علم نہیں تھا۔ انہوں نے لکھا ہے کہ جب میں ان کے علم میں لایا کہ اس طرح ایک ایف آئی آر ہوئی ہے جس میں نواز شریف اوردیگر لوگوں کو نامزد کیا گیا ہے تو انہوں نے شدید نا پسندیدگی کا اظہار کیا۔
نوازشریف کی تقریر پر ن لیگی کارکنوں کو مقدمہ کرانا چاہیے، فواد چودھری
وفاقی وزیر برائے سائنس و ٹیکنالوجی فواد چودھری نے اپنے ٹوئٹ پیغام میں لکھا ہے کہ ہوسکتا ہے کہ کسی نے کارروائی ڈالنے کے لیے یاس کیا ہو، دیکھتے ہیں۔
