کراچی میں گیس کی عدم فراہمی، صنعتیں کوئلہ اور لکڑی سے چلانے کا فیصلہ

 سردی بڑھتے ہی ملک کے مختلف علاقوں میں گیس کا بحران سنگین ہوگیا

کراچی: شہر قائد میں گیس کی عدم فراہمی سے پریشان صنعت کاروں نے حل ڈھونڈ لیا ہے اب ٹیکسٹائل صنعتوں کے بوائلرز کو کوئلہ اور لکڑی سے چلانےکا فیصلہ کیا گیا ہے۔

یہ بھی پڑھیں: گیس بحران: سندھ حکومت نے سوئی سدرن کمپنی کو پائپ لائن بچھانے کی اجازت دے دی

قدرتی گیس کی قلت اور عدم دستیابی کے باعث صنعتوں کا پہیہ چلانے کے لیے صنعتکاروں نے بڑا فیصلہ کر لیا ہے۔

صنعتکاروں نے اب ٹیکسٹائل صنعتوں کے بوائلرز کو کوئلہ اور لکڑی سےچلانےکا فیصلہ کرلیا ہے او اس ضمن میں ملک بھر میں متعدد صنعتوں میں کوئلے کے پلانٹ نصب ہونا شروع ہوگئے ہیں۔

چیئرمین ایکسپورٹ ایسوسی ایشن پاکستان زبیر موتی والا کا اس ضمن میں کہنا ہے کہ صنعتوں میں کوئلے اور لکڑی جلا کر چلانے والے بوائلرز تنصیب کا کام شروع ہوگیا ہے۔

صنعتکاروں کا کہنا ہے کہ نئے بوائلرزکی تنصیب کیلئے آنے والی لاگت پیداواری لاگت پر اثرانداز ہوگی، گیس نہ ملنے سے اب بھی متعدد ایکسپورٹ آرڈر منسوخ ہو چکے ہیں، مسلسل نقصان برداشت نہیں کرسکتے۔

یہ بھی پڑھیں: سندھ کو اس کے حصے کی گیس نہیں دی جا رہی، مرتضیٰ وہاب

ہم نیوز سے گفتگو کرتے ہوئے صنعت کاروں نے مزید کہا کہ ہمیں آر ایل این جی کی فراہمی کی یقین دہانی کرائی گئی تھی مگر بعد میں قیمت بڑھا دی گئی۔ کورنگی، سائٹ، سپرہائی وے، نارتھ کراچی،ایف بی ایریا صنعتی زونز میں گیس سپلائی صفر ہے۔


متعلقہ خبریں