اسلام آباد: صدارتی تمغہ امتیاز یافتہ پاکستانی اداکارہ مہوش حیات کو رواں برس آسکر سلیکشن کمیٹی کا حصہ بنا لیا گیا ہے۔
پاکستانی ڈرامہ و فلم انڈسٹری کی مقبول اداکارہ نے سماجی رابطوں کی ویب سائٹ ٹوئٹر پر شیئر کیے گئے ایک پیغام کے ذریعے مداحوں سے یہ خوش خبری شیئر کی۔
مہوش حیات نے اپنے پیغام میں تحریر کیا کہ مجھے دو بار آسکر ایوارڈ حاصل کرنے والی شرمین عبید چنائے کے ساتھ آسکر سلیکشن کمیٹی کا حصہ بننے کا اعزاز حاصل ہوا ہے۔
I’m honoured to be part of the ‘Oscar Selection Committee’this year alongside our own two time Oscar winner,Sharmeen Obaid Chinoy.I look forward to seeing the nominated films. At least this is one way we can highlight our country & our talent on world stage IA #PakistanZindabad?? pic.twitter.com/rPiGb3TEZN
— Mehwish Hayat TI (@MehwishHayat) October 8, 2020
اداکارہ کا مزید کہنا تھا کہ اس پلیٹ فارم کے ذریعے پاکستان کا نام اور ٹیلنٹ دنیا کے سامنے مزید اجاگر کرنے کی کوشش کروں گی۔
اس حوالے سے مہوش حیات نے مزید تحریر کیا کہ وہ نامزد فلموں کو دیکھیں گی۔ یہ ایک طریقہ ہے کہ جس سے ہم پاکستان اور اس ملک کے ٹیلنٹ کو دنیا کے سامنے اجاگر کر سکتے ہیں۔
یہ بھی پڑھیں: مہوش حیات کی بچوں کوپولیو کے قطرے پلانے کی اپیل
مہوش حیات نے اپنے پیغام کے ساتھ پاکستان زندہ باد کا ہیش ٹیگ بھی استعمال کیا۔
آسکرز سلیکشن کمیٹی کا حصہ بننے پر سیکڑوں لوگوں نے مہوش حیات کو مبارکباد دی اور ان کے لیے نیک خواہشات کا اظہار کیا۔
’مجھے دو بار آسکر ایوارڈ حاصل کرنے والی شرمین عبید چنائے کے ساتھ آسکر سلیکشن کمیٹی کا حصہ بننے کا اعزاز حاصل ہوا ہے‘
