ایران کے دارالحکومت تہران میں فیس ماسک پہننا لازم قرار

ایران میں کویڈ 19 کی تیسری لہر کے بعد دارالحکومت تہران میں  فیس ماسک کا استعمال لازمی قرار دے دیا گیا۔

غیر ملکی خبر رساں ادارے کی رپورٹ کے مطابق حسن روحانی نے کہا کہ تہران میں عوامی مقامات پر فیس ماسک استعمال نہ کرنے والوں پر جرمانہ عائد ہو گا۔

رپورٹ کے مطابق ایران میں کورونا وائرس کے کیسز میں تیزی سے اضافہ دیکھنے میں آیا ہے۔

ایران میں گزشتہ چوبیس گھنٹوں میں ایک سو پچانوے افراد جاں بحق ہوئے جب کہ اڑتیس سو سے زائد نئے کیسز بھی سامنے آئے ہیں۔

خیال رہے کہ عالمی وبا کورونا وائرس کے سبب  دنیا میں 10 لاکھ 73 ہزار 624 افراد ہلاک اور 3 کروڑ 71 لاکھ 67 ہزار 802 متاثر ہوچکے ہیں۔

کورونا سے صحتیاب افراد کی تعداد 2 کروڑ 79 لاکھ 27 ہزار 224 ہوگئی ہے اور 81 لاکھ 66 ہزار 954 ایکٹیو کیسزہیں۔

امریکہ کورونا وائرس سے متاثر ہونے والے ممالک میں پہلے نمبر پر ہے جہاں 2 لاکھ 18 ہزار 661 افراد جان کی بازی ہار چکے ہیں اور78 لاکھ 95 ہزار 26 افراد میں کورونا وائرس کی تشخیص ہوئی۔

کورونا وائرس: دنیا بھر میں 10 لاکھ 73 ہزار سے زائد اموات

بھارت کورونا کیسز کے اعتبار سے دنیا میں دوسرے نمبر پر ہے جہاں 69 لاکھ 79 ہزار 423 افراد میں کورونا وائرس کی تشخیص ہوئی ایک لاکھ 7 ہزار 450 اموات ہوئی ہیں۔

برازیل کورونا سے متاثرہونے والے ممالک میں تیسرے نمبر پر ہے جہاں 50 لاکھ 57 ہزار 190 افراد متاثر ہوئے اور ایک لاکھ 49 ہزار 692 اموات ہوئی ہیں۔

روس میں 12 لاکھ 85 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 22 ہزار 445 ہو گئی ہے۔

کولمبیا کورونا وائرس سے متاثر ہونے والے ممالک میں پانچویں نمبر پر ہے جہاں 27 ہزار 495 اموات ہوئی ہیں جبکہ 8 لاکھ 94 ہزار سے زائد کیسز رپورٹ ہوئے ہیں۔

اسپین میں 8 لاکھ 90 ہزار سے زائد افراد متاثر ہیں اور 32 ہزار929 اموات ہوئی ہیں۔ ارجنٹائن میں بھی 8 لاکھ 71 ہزار 468 افراد متاثر ہو چکے ہیں جبکہ 23 ہزار 225 افراد جان کی بازی ہار چکے ہیں۔ پیرو میں 8 لاکھ 43 ہزار 355 افراد متاثر اور 33 ہزار 158 افراد ہلاک ہو چکے ہیں۔

کورونا سے پہلی ہلاکت 11 جنوری2020 میں چین میں رپورٹ ہوئی۔ 9 اپریل کو کورونا سے مجموعی اموات کی تعداد ایک لاکھ ہوگئی تھی۔ کورونا سے پہلی ایک لاکھ اموات ابتدائی89 روز میں رپورٹ ہوئیں۔

متعلقہ خبریں