ممبئی: بھارتی کرکٹ ٹیم کے سابق کپتان کپل دیو کو دل کا دورہ پڑنے پر اسپتال منتقل کردیا گیا، جہاں ان کی انجیو پلاسٹی کردی گئی۔
بھارتی میڈیا کے مطابق ہندوستان کے کیلئے پہلا عالمی کپ جیتنے والے کرکٹ کپتان کپل دیو کی طبیعت بگڑنے پر فوری طور پر نئی دہلی کے نجی اسپتال فورٹیس اسکارٹس ہارٹ انسٹیٹیوٹ ( Fortis Escorts Heart Institute) منتقل کیا گیا۔
بھارتی میڈیا کے مطابق نجی اسپتال میں سابق بھارتی کرکٹر کپل دیوکی انجیو پلاسٹی کردی گئی۔ 61 سالہ سابق بھارتی کرکٹر کپیل دیو کی حالت اب خطرے سے باہر ہے۔ کپل دیو کو چند روز میں اسپتال سے ڈسچارج کیا جائے گا۔
نجی اسپتال کی جانب سے جاری بیان میں کہا گیا ہے کہ کرکٹر کپل دیو 23اکتوبر کی صبح دس بجے اسپتال کے عیمرجنسی ڈیپارٹمنٹ میں سینے میں درد کی تکلیف کی شکایت لے کر آئے۔ آدھی رات کو اس کا جائزہ لیا گیا اور ان کی ہنگامی کورونری انجیو پلاسٹی کی گئی۔
Please join me in sending prayers, strength and good wishes to Kapil and Romi Dev for his speedy recovery. Kapil was taken to the hospital in time as he complained of uneasiness. As per the doctors the procedure has been successful and he will be home soon. @vikrantgupta73
— Madan Lal (@MadanLal1983) October 23, 2020
کپل دیو کا شمار اپنے وقت کے دنیائے کرکٹ کے صف اول کے آل راؤنڈرز میں ہوتا تھا۔ انہوں نے 131 ٹسٹ میچز میں ہندوستان کی نمائندگی کرتے ہوئے 434 وکٹیں حاصل کیں اور بطور بلے باز 5248 رنز اسکور کیے۔
اس کے علاوہ سابق بھارتی کپتان نے 225 ایک روزہ میچز میں 253 وکٹیں اور 3 ہزار 783 رنز بھی بنائے۔