راولپنڈی: پاکستان کی مسلح افواج نے اقوام متحدہ کی 75 ویں یوم تاسیس پر نیک خواہشات کا اظہار کیا ہے۔
پاک فوج کے شعبہ تعلقات عامہ (آئی ایس پی آر) کے مطابق پاکستان نے30 ستمبر 1947ء کو اقوامِ متحدہ کے امن مشن میں شمولیت اختیار کی، یہ ایک نامور دور کا آغاز تھا جس کی تاریخ بے مثال ہے۔
آئی ایس پی آر کے مطابق پاکستان نے 28 ممالک میں 2 لاکھ سے زائدا فواج کے ہمراہ 46 مشترکہ مِشنز میں حصہ لیا جن میں 157 جوانوں بشمول 24افسران نے اپنی جانوں کا نذرانہ پیش کیا۔
آئی ایس پی آر کے مطابق رواں سال نائیک محمد نعیم رضا شہید کو اَقوامِ مُتحدہ کا خصوصی میڈل عطا کیا گیا۔
Pakistan Armed Forces extend best wishes to @UN on its 75th anniversary. Pakistan has contributed over 200,000 troops in 46 UN Missions in 28 countries. 158 Pakistani Peace Keepers sacrificed their lives for global peace. #UNDay#UN75thAnniversary pic.twitter.com/G5rVhwEa6F
— DG ISPR (@OfficialDGISPR) October 24, 2020
پاکستان اقوامِ متحدہ کے حوالے سے بہترین خدمات سر انجام دے رہا ہے۔ اقوام متحدہ کی قیادت نے پاکستان کی پر امن فوج کی کارکردگی کو تسلیم کیا۔
آئی ایس پی آر کے مطابق امریکی نائب معاون وزیر خارجہ بھی پاکستانی خواتین سے متاثر ہوئے بغیر نہ رہ سکے ایلس ویلز نے پاکستانی خواتین کے امن کردار کو سراہا ہے۔
اقوامِ متحدہ کے چھتری تلے تاحال 83 پاکستانی خواتین امن مشن کا حصہ ہیں۔ پاکستان 19 جون 2019 میں کانگو میں خواتین دستے تعینات کرنے والا پہلا ملک ہے۔