اسلام آباد: ڈپٹی کمشنر (ڈی سی) اسلام آباد حمزہ شفقات نے ماسک نہ پہننے پر خود کو ایک ہزار روپے جرمانہ کر دیا۔
سماجی رابطوں کی ویب سائٹ ٹوئٹر پر ایک صارف نے ڈی سی اسلام آباد سے سوال کیا کہ آپ نے خود ماسک کیوں نہیں پہنا؟
یہ بھی پڑھیں: ’برگر‘ کی بحث: ڈی سی اسلام آباد، ٹوئٹر صارفین میں دلچسپ گفتگو
صارف کی ٹویٹ پر اسلام آباد کے ڈپٹی کمشنر نے کہا کہ ماسک نہ پہننے پر میں خود کو ایک ہزار روپے جرمانہ کر رہا ہوں۔
انہوں نے وضاحت دیتے ہوئے کہا کہ میں گاڑی سے اترا تو ماسک انہوں نے جیب میں ڈال لیا اور ایک منٹ کے وقفے سے دوبارہ پہن لیا۔
I came out of my car and took off the mask for a few seconds but I saw NG (reporter) taking my pictures. I wore the mask again in a minute. However I take the point. I’ll submit Rs 1000 in Govt Account as a fine and show challah here ? https://t.co/PLMuxUHWKc
— Muhammed Hamza Shafqaat (@hamzashafqaat) October 30, 2020
صارف نے ٹوئٹر پر حمزہ شفقات کی تصاویر شیئر کرکے تحریر کیا تھا کہ ہمارے دفتر والے ایک لمحے کو ماسک نہیں اتارنے دیتے کہ حکومتی احکامات ہیں۔
انہوں نے لکھا کہ اچھا ہی کرتے ہیں لیکن کاش ڈی سی کو بھی کوئی جرمانہ کرتے ہوئے کچھ دن کے لیے سیل کر دے۔
ٹویٹ کا جواب دیتے ہوئے ڈی سی اسلام آباد نے خود پر جرمانہ عائد کرنے کا اعلان کیا۔