لاہور: وزیر اطلاعات پنجاب فیاض الحسن چوہان نے کہا ہے کہ پاکستان ڈیموکریٹک مومنٹ (پی ڈی ایم) کے قئدین فخر سے دشمن کے بیانیے کی آواز بن رہے ہیں۔
سماجی رابطے کی ویب سائٹ ٹوئٹر پر بھارتی میڈیا کی طرف سے جاری ویڈیو کا حوالہ دیتے ہوئے وزیراطلاعات پنجاب نے کہا کہ بھارتی میڈیا اور سول سوسائٹی بھارتی فوج اور فضائیہ کی شکست اور پاکستان کی فتح کو روکنے کی منظم کوشش میں مصروف ہیں۔
مکس اچار پارٹی(PDM)کے بےضمیر قائدین یہ ویڈیو دیکھیں اور شرم سے ڈوب مریں۔۔کس طرح انڈین میڈیا اور سول سوسائٹی انڈین ائیرفورس اور فوج کی شکست اور پاکستان کی فتح کو روکنے کی منظم کوشش کر رھے ھیں۔اور۔تم لوگ دشمن کی آواز بننے میں فخر محسوس کر رھے ھو۔لعنت تم پر https://t.co/3jKlsnAGdd
— Fayaz ul Hassan Chohan (@Fayazchohanpti) October 31, 2020
فیاض الحسن چوہان کا کہنا ہےکہ بھارتی پائلٹ ابھی نندن کی گرفتاری کے بعد ایک ویڈیو پیغام میں پاک فوج کی پیشہ ورانہ قابلیت کی تعریف ساری دنیا نے دیکھی۔
انہوں نے کہا کہ دشمن ملک کے بیانیے کی بے شرمی اور ڈھٹائی سے نمائندگی کرنے پر بے ضمیر پی ڈی ایم قائدین کو آئینہ دکھایا ہے۔ابھی نندن کا ویڈیو میسج دیکھ کر مکس اچار پارٹی کے بے ضمیر قائدین کو شرم سے ڈوب مرنا چاہیئے۔