وزیراعظم کا دورہ سوات: شہریوں میں انصاف کارڈ تقسیم کریں گے

کورونا: ایس او پیز پر عملدرآمد یقنی بنانے کی ضرورت ہے، وزیراعظم

فائل فوٹو۔–

اسلام آباد: وزیراعظم عمران خان جمعہ کو سوات کا دورہ کریں گے۔ وہ اپنے دورے کے دوران سوات کے شہریوں میں انصاف صحت کارڈ تقسیم کریں گے۔

خیبر پختونخوا پہلا صوبہ ہے جہاں تمام خاندانوں کو صحت کارڈ دیا جا رہا ہے، وزیراعظم

ہم نیوز کے مطابق وزیراعظم سوات میں منعقدہ ایک تقریب سے بھی خطاب کریں گے۔ دورہ سوات میں وزیراعظم عمران خان کے ہمراہ وفاقی اورصوبائی وزرا بھی ہوں گے۔

حکومت نے دسمبر 2019 میں صحت انصاف کارڈ کا دائرہ کار ملک بھر میں پھیلانے کا فیصلہ کیا تھا۔ وزیراعظم عمران خان نے اس وقت اس حوالے سے تمام تر تفصیلات طلب کی تھیں۔

صحت کارڈ کی حقدار افراد تک رسائی ممکن بنائی جائے گی، زلفی بخاری

وزیراعظم نے واضح طور پر ہدایت کی تھی کہ 2020 میں ملک بھر کے تمام مستحق افراد تک صحت کارڈ پہنچایا جائے۔ حکومتی فیصلے کے تحت صحت کارڈ رکھنے والا ہر شہری 7 لاکھ 20 ہزار روپے تک کا مفت علاج کرانے کا مجاز ہو گا۔

حکومتی فیصلے کے تحت صحت کارڈ کے ذریعے عام شہریوں کو سہولت ہو گی کہ وہ سرکاری اسپتالوں سمیت بڑے پرائیوٹ اسپتالوں سے بھی علاج کرانے کے مجاز ہوں گے۔ صحت کارڈ کے تحت عوام کو سرجری، آپریشن اور طبی معائنے کی سہولتیں فراہم کی جائیں گی۔

تھرپارکر کے خاندانوں، معذور افراد کے لیے صحت کارڈ کی منظوری

حکومت نے اسکیم کے آغاز پر بتایا تھا کہ 2020 کے آخر تک پورے پاکستان کو کارڈز دے دیئے جائیں گے اور کارڈز کو لوگوں کے گھروں تک پہنچایا جائے گا۔

متعلقہ خبریں

ٹاپ اسٹوریز