نئی دہلی: بھارتی وزیر اعظم نریندر مودی نے طوطے کو ہاتھ پر بٹھانے کی متعدد کوششیں کیں لیکن طوطے نے مودی کے ہاتھ پر بیٹھنے سے انکار کر دیا۔
غیر ملکی خبر رساں ایجنسی کے مطابق بھارتی وزیر اعظم نریندر مودی نے ریاست گجرات کے علاقے کیواڈیا میں سردار پٹیل چڑیا گھر کا افتتاح کیا۔ چڑیا گھر کے افتتاح کے بعد مودی کو چڑیا گھر کی سیر کرائی گئی اور چڑیا گھر میں لائے گئے مختلف جانور اور پرندے دکھائے گئے۔
چڑیا گھر کی سیر کے دوران نریندر مودی نے مکاؤ نسل کے طوطے کو ہاتھ پر بٹھانے کی کوشش کی تو طوطے دور ہٹ گیا تاہم مودی کی بار بار کوششوں کے باوجود طوطے نے مودی کے ہاتھ پر بیٹھنے سے انکار کر دیا۔
مذکورہ طوطا ہر آنے والے شخص کے ہاتھ آگے بڑھانے پر ان کے ہاتھ پر بیٹھ رہا تھا تاہم اس نے بھارتی وزیر اعظم کے ہاتھ پر بیٹھنے سے انکار کر دیا اور بعد ازاں انتظامیہ کی خاتون نے جب طوطے کو اپنے ہاتھ پر بٹھا کر مودی کے ہاتھ پر بٹھانے کی کوشش کی تب بھی طوطا مودی کے ہاتھ پر بیٹھنے سے انکاری رہا اور دور ہٹ گیا۔
Parrot’s reaction and the voice over tells everything about the televisionary PM @narendramodi.#ModiHaiTohJumlaHai #Parrot pic.twitter.com/CJ2d8MLdtF
— #AarogyaSetuApp Creator (@BengalBachao) October 31, 2020
بار بار ناکام کوششوں کے بعد مودی نے طوطے کو ہاتھ پر بٹھانے کی کوشش ترک کر دی اور شرمندہ ہو کر دوسرے پرندوں کی طرف چلے گئے۔