اسلام آباد: پاکستان سپر لیگ (پی ایس ایل) کی فرنچائز ملتان سلطانز کے کھلاڑی جیمز ونس میں کورونا وائرس کی تشخیص ہوئی ہے جس کے بعد وہ ٹورنامنٹ کے بقیہ میچوں سے باہر ہو گئے ہیں۔
کرک انفو کے مطابق اس سے قبل ملتان سلطانز کے ایک اور کھلاڑی محمد اللہ کا بھی کورونا ٹیسٹ مثبت آیا تھا۔
جیمز ونس کا کورونا ٹیسٹ مثبت آنے کے بعد انگلش کھلاڑی جو ڈینلی کو ملتان سلطانز میں بطور متبادل شامل کئے جانے کا امکان ہے۔
Gutted to be missing the @thePSLt20 finals due to testing positive for covid. Will be cheering @MultanSultans on from home
— James Vince (@vincey14) November 9, 2020
کرک انفو کے مطابق کورونا ٹیسٹ مثبت آنے کے بعد جیمز ونس نے خود کو 14 دن کے لیے قرنطینہ کر لیا ہے۔
Get Well Soon @vincey14. You will always be an integral part of #Janoobis, and your exploits will be severely missed! Our well-wishes and prayers are with you and your family.#HBLPSLV #LetsPlaySaeen #Sultans #PhirSeTayyarHain pic.twitter.com/xM6QibnFAM
— Multan Sultans (@MultanSultans) November 9, 2020
خیال رہے کہ پی ایس ایل فائیو کے پلے آف راونڈ کا آغاز 14 نومبر سے ہوگا۔ کرکٹ میلے میں شرکت کے لیے غیر ملکی کھلاڑی آج سے کراچی پہنچنا شروع ہوں گے.
پاکستان کرکٹ بورڈ ذرائع کے مطابق غیرملکی کھلاڑیوں کو پاکستان آنے سے قبل کورونا ٹیسٹ کرانے کی ہدایت کی گئی ہے۔ پاکستان آمد پر بھی ان کا کورونا ٹیسٹ ہوگا۔
ذرائع کے مطابق پلے آف راونڈ میں ملتان سلطانز، کراچی کنگز، لاہور قلندرز اور پشاور زلمی شامل ہیں۔ پی ایس ایل فائیو کا پلے آف راونڈ 14 اور 15 نومبر کو شیڈول ہے۔
ذرائع کے مطابق پی ایس ایل فائیو کا فائنل 17 نومبر کو نیشنل کرکٹ اسٹیڈیم کراچی میں کھیلا جائے گا۔