ایشیائی بینک پہلی بار پاکستانی روپے میں بانڈ جاری کرے گا

ADB

پاکستان پر ڈالروں کی بارش


اسلام آباد: ایشیائی ترقیاتی بینک ( اے ڈی بی) پہلی بار پاکستانی روپے میں قراقرم بانڈ جاری کرے گا۔

ذرائع کے مطابق اے ڈی بی کےاعلامیے میں کہا گیا ہے کہ قراقرم بانڈ کے اجراء کے لیے ایک ارب تراسی کروڑ روپے مختص کر دیے ہیں۔

اعلامیے کے مطابق قراقرم بانڈ کی شرح منافع ساڑھے سات فیصد ہو گی اور اس کی میچورٹی اگست 2023 میں ہو گی۔ بانڈ کی رقم ڈالر میں جاری شرح منافع کے مطابق تبدیل کی جاسکے گی۔

اس ضمن میں مشیر خزانہ عبدالحفیظ شیخ کا کہنا ہے کہ اس بانڈ سے پاکستان کو ڈالر میں قرضے کے حصول میں بے مثال مدد ملے گی۔

یاد رہے کہ گزشتہ روز مشیر خزانہ عبدالحفیظ شیخ نے کہا تھا کہ  ہماری معیشت اوپر جا رہی ہے، چاروں طرف سے ہمیں معیشت کی اچھی خبریں آرہی ہیں۔

مشیر خزانہ نے کہا کہ ملک میں روزانہ کی بنیاد پر 40 ہزار ٹن گندم ریلیز ہورہی ہے۔ ملک میں 20 سے 22 لاکھ ٹن گندم کم پیدا ہوئی۔ ملک میں اس وقت گندم کی کوئی کمی نہیں ہے۔

مشیر خزانہ حفیظ شیخ نے کہا کہ جب حکومت ملی تو ایک بحرانی کیفیت تھی۔ مجبوراً ہمیں آئی ایم ایف کے پاس جانا پڑا۔ ہماری حکومت نے برآمدات میں اضافہ کیا اور کمزور طبقے کیلئے تاریخی پیکج دیے۔

مزید پڑھیں: ملکی معیشت مستحکم ہو گئی ہے، وزیراعظم

انہوں نے کہا کہ کورونا وائرس سے معیشت کو دھچکا لگا۔ معاشی بحران کی کیفیت کے باعث ہمیں آئی ایم ایف کے پاس جانا پڑا۔ کورونا کے دوران ایک کروڑ 50 لاکھ لوگوں کو رقم دی گئی۔


متعلقہ خبریں