کراچی: سندھ میں ایک روز میں کورونا وائرس کے سب سے زیادہ کیسز آنے کا سلسلہ جاری ہے۔
وزیراعلی سندھ مراد علی شاہ نے صوبے میں کورونا کی صورتحال سے متعلق بتایا ہے کہ گزشتہ 24 گھنٹوں کے دوران کورونا وائرس سے مزید 13 مریض جاں بحق جب کہ 1382 افراد متاثر ہو گئے ہیں۔
انہوں نے بتایا کہ سندھ میں اب تک ایک لاکھ 66 ہزار 33 کیسز سامنے آئے ہیں جب کہ اموات کی مجموعی تعداد 2858 پہنچ چکی ہے۔
ان کا کہنا تھا کہ کورونا کے 619 مریضوں کی حالت تشویشناک ہے جب کہ 74 وینٹی لیٹرز پر موجود ہیں۔
پاکستان میں ساڑھے چار ماہ بعد کورونا کا سب سے بڑا وار
انہوں نے بتایا کہ کراچی میں سب سے زیادہ ایک ہزار 91 کیسز رپورٹ ہوئے ہیں جس کے بعد شہر میں اب تک کورونا سے متاثرہ افراد کی مجموعی تعداد ایک لاکھ 14 ہزار 284 ہو گئی ہے۔
خیال رہے کہ پاکستان میں ساڑھے چار ماہ کے بعد آج کورونا کے سب سے زیادہ کیسز رپورٹ ہوئے ہیں۔
گزشتہ 24 گھنٹے میں مزید2 ہزار 954 کیسز رپورٹ ہوئے ہیں اور مجموعی تعداد3 لاکھ 79 ہزار883 ہوگئی ہے۔
نیشنل کمانڈ اینڈ آپریشن سینٹر کے مطابق ملک میں مزید48 اموات ہوئی ہیں اور جاں بحق افراد کی کل تعداد 7 ہزار744 تک پہنچ گئی ہے۔
پاکستان میں کورونا سےصحت یاب افراد کی تعداد3لاکھ31ہزار760 ہوگئی ہے اور40 ہزار379 زیرعلاج ہیں۔
اسلام آباد میں کورونا کیسز کی تعداد27 ہزار555، خیبرپختونخوا44 ہزار932، سندھ ایک لاکھ 64 ہزار651، پنجاب ایک لاکھ 15 ہزار138، بلوچستان 16 ہزار846، آزاد کشمیرمیں6ہزار203 اور گلگت بلتستان میں 4 ہزار 558 افراد کورونا سے متاثر ہوچکے ہیں۔
کورونا کے سبب سب سے زیادہ اموات پنجاب میں ہوئی ہیں جہاں 2 ہزار879افراد جان کی بازی ہار چکے ہیں۔ سندھ میں 2 ہزار845، خیبر پختونخوا ایک ہزار330، اسلام آباد285، گلگت بلتستان95، بلوچستان میں 163 اور آزاد کشمیر میں147 افراد جان کی بازی ہار چکے ہیں۔
یہ بھی پڑھیں:پاکستان میں مثبت کیسزکی شرح7فیصد سے بڑھ گئی
پاکستان میں کورونا وائرس کی دوسری لہرشروع ہو چکی ہے اور اس سے نمٹنے کے لیے ایس اوپیز پر سختی سےعمل کرنا ہو گا۔
این سی او سی کے مطابق ملک کے 15 شہروں میں کورونا وبا تیزی سے پھیل رہی ہے۔ پاکستان میں اسی فیصد کورونا کیسز گیارہ بڑے شہروں سے رپورٹ ہوئے۔
صوبائی حکومتوں کو ہدایت کی گئی ہے کہ بازاروں، شاپنگ مالز، پبلک ٹرانسپورٹ، ریسٹورنٹس میں ایس او پیز اور ماسک کو لازم قرار دیں۔
