اسلام آباد: کینیڈا میں ویکسین لگانے کی مہم کی ذمہ داری سینئر جنرل کو سونپ دی گئی جس کا حوالہ دیتے ہوئے وفاقی وزیر برائے منصوبہ بندی اسد عمر نے اپوزیشن کو طنز کا نشانہ بنایا ہے۔
سماجی رابطوں کی وی ب سائٹ ٹوئٹر پر شیئر کیے گئے ایک پیغام میں اسد عمر کا کہنا تھا کہ کینیڈا میں ویکسین لگانے کی مہم کی ذمہ داری سینئر جنرل کو دے دی گئی۔
کینیڈا میں ویکسین لگانے کی مہم کی ذمہ داری سینئر جنرل کو دے دی گئی. زرا کینیڈا کے اخبار تو دیکھیں کہیں کینیڈا کی اپوزیشن نے یہ تو نہیں کہہ دیا کہ جسٹن ٹروڈو تم تو سیلیکٹڈ نکلے، ایک کٹھ پتلی ہو اور ہمارا مقابلہ تم سے نہیں تمہیں لانے والوں سے ہے https://t.co/4ZAJP278mo
— Asad Umar (@Asad_Umar) November 30, 2020
انہوں نے تحریر کیا کہ اخبار تو دیکھیں کہیں کینیڈین اپوزیشن نے یہ تو نہیں کہہ دیا کہ جسٹن ٹروڈو تم تو سلیکٹڈ نکلے، تم ایک کٹھ پتلی ہو اور ہمارا مقابلہ تم سے نہیں تمہیں لانے والوں سے ہے۔
خیال رہے کہ عمران خان کے بطور وزیر اعظم انتخاب کے بعد سب سے پہلے چیئرمین پاکستان پیپلز پارٹی ( پی پی پی) بلاول بھٹو زرداری نے عمران خان کو سلیکٹڈ کہہ کر مخاطب کیا تھا۔
یہ بھی پڑھیں: قومی اسمبلی:وزیر اعظم کی موجودگی میں لفظ ’سلیکٹڈ‘ کے استعمال پر ہنگامہ
بلاول بھٹو زرداری کے بعد اپوزیشن رہنماؤں نے کثرت سے وزیر اعظم کو ’سلیکٹڈ‘ کہہ کر طنز کا نشانہ بنانے کا سلسلہ شروع کر دیا تھا جو کہ تاحال جاری ہے۔
