راولپنڈی: آرمی چیف جنرل قمر جاوید باجوہ نے کہا ہے کہ پاکستان چین کے ساتھ تعلقات کو اہمیت دیتا ہے، دونوں ممالک ہر معاملے پر ہمیشہ ساتھ کھڑے ہیں۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف سے چینی وزیردفاع وائی فنگ نے ملاقات کی ہے جس میں باہمی دلچسپی کے امور،علاقائی سلامتی اور دوطرفہ دفاعی تعاون پر تبادلہ خیال کیا گیا۔
چینی وزیر دفاع نے سی پیک منصوبوں کی سیکیورٹی کے لیے پاک فوج کےاقدامات کی تعریف کی۔
جدت پسندی سے مستقبل کے چیلنجز سے نمٹا جا سکتا ہے، آرمی چیف
آئی ایس پی آر کے مطابق آرمی چیف نے کہا کہ علاقائی امور پر پاکستان کے موقف کی حمایت پر چین کے مشکور ہیں، پاکستان اور چین کے گہرے دوستانہ تعلقات ہیں۔
General Wei Fenghe, Minister of National Defence, #China met #COAS. During the meeting, matters of mutual interest, regional security and enhanced bilateral defence collaboration were discussed. Visiting dignitary ack & aprc Pak Army’s sincere efforts 4 regional peace & (1/3) pic.twitter.com/mIuijCXD88
— DG ISPR (@OfficialDGISPR) November 30, 2020
انہوں نے کہا کہ مستقبل میں بھی پاکستان اور چین ایک ساتھ کھڑے رہیں گے۔
آئی ایس پی آر کے مطابق پاکستان اور چین کی افواج میں تعاون کے معاہدے پر بھی دستخط کئے گئے۔
جی ایچ کیو آمد پر چینی وزیر دفاع نے یادگار شہدا پر پھولوں کی چادر بھی چڑھائی اور انہیں گارڈ آف آنر بھی پیش کیا گیا۔