اسلام آباد: ملک میں ایڈز کے مریضوں کی تعداد میں بہت اضافہ ہوگیا ہے۔ اعداد و شمار کے مطابق پاکستان میں ایڈز کے مریضوں کی تعداد میں 75 فیصد اضافہ ریکارڈ کیا گیا ہے۔
شیخ زید وومن اسپتال لاڑکانہ: نو ماہ کے دوران 34 حاملہ خواتین میں ایڈز کی تشخیص
ہم نیوز کے مطابق عالمی ادارہ صحت نے خطرے کی گھنتی بجاتے ہوئے بتایا ہے کہ پاکستان میں ایڈز کے مریضوں کی تعداد میں بے پناہ اضافہ ہوا ہے۔
عالمی ادارہ صحت کے مطابق پاکستان میں ایڈز کے مریضوں کی تعداد 75 فیصد بڑھ گئی ہے۔ دستیاب اعداد و شمار کے مطابق ملک میں اس وقت ایڈز کے مریضوں کی تعداد 1 لاکھ 90 ہزار ہے۔
ایچ آئی وی ایڈز پاکستان میں تیزی سے پھیل رہا ہے، ڈاکٹر ظفر
ہم نیوز کے مطابق عالمی ادارہ صحت کی رپورٹ کے تحت گزشتہ سال پاکستان میں ایڈز کے 25 ہزار کیسز رجسٹرڈ ہوئے تھے۔
عالمی ادارہ صحت نے کہا ہے کہ عالمی وبا قرار دیے جانے والے کورونا وائرس کی وجہ سے ایڈز کے مریضوں کو مشکلات کا سامنا ہے۔
ہم نیوز کے مطابق عالمی ادارہ صحت نے زور دیا ہے کہ ایڈز کے مریضوں کو سہولتوں کی فراہمی یقینی بنائی جائے۔
پنجاب میں ایڈز کے مریضوں کی تعداد 11 ہزار سے بڑھ گئی
عالمی ادارہ صحت نے یہ بات بھی تسلیم کی ہے کہ ایڈز کے مریضوں کو دیگر ممالک میں بھی مسائل کا سامنا ہے۔
