اسلام آباد: وزیر اعظم عمران خان نے کہا ہے کہ خصوصی افراد کے لیے احساس کفالت پالیسی سے 20 لاکھ خاندان مستفید ہوں گے۔
وزیر اعظم عمران خان نے سماجی رابطے کی ویب سائٹ ٹوئٹر پر لکھا کہ احساس کفالت پالیسی کے تحت خصوصی افراد کو ماہانہ 2 ہزار روپے وظیفہ دیا جائے گا۔
خصوصی افراد کیلئے تیار کردہ نئی احساس کفالت پالیسی سے 2 ملین (20 لاکھ) گھرانے مستفید ہوں گے۔ ہر گھرانہ 2 ہزار روپے ماہانہ وظیفے کا حقدار ہوگا۔ وباء (COVID-19) کے بعد کی معذور دوست اور پائیدار دنیا کی جانب یہ ایک اہم قدم ہے۔
— Imran Khan (@ImranKhanPTI) December 3, 2020
انہوں نے کہا کہ کورونا سے متاثرہ عالمی منظر نامے میں خصوصی افراد کے لیے یہ ایک اہم اقدام ہے۔
