انسداد پولیو مہم: 3 روز میں 87 فیصد ہدف حاصل

انسداد پولیو مہم: 3 روز میں 87 فیصد ہدف حاصل

فوٹو: فائل


اسلام آباد: تیسری قومی انسداد پولیو مہم کے دوران ملک بھر میں تین روز میں 87 فیصد ہدف حاصل کر لیا ہے۔

قومی انسداد پولیو مہم کے ابتدائی تین دن کی کارکردگی رپورٹ کے مطابق پولیو مہم کا ہدف 39 ملین بچوں کو ٹیکہ لگا ہے۔ تین روزہ پولیو مہم میں 34.3 ملین بچوں کی پولیو ویکسینیشن مکمل کی گئی۔

رپورٹ کے مطابق ملک میں 3  اور 4 دسمبر انسداد پولیو مہم کے کیچ اپ ڈیز ہوں گے۔ کراچی کے حساس علاقوں میں کیچ اپ ڈیز 6 دسمبر تک جاری رہیں گے۔ کوئٹہ، پشاور، خیبر بلاک میں کیچ اپ ڈیز 6 دسمبر تک جاری رہیں گے۔ کیچ اپ ڈیز میں رہ جانے والے بچوں کی پولیو ویکسینیشن ہو گی۔

مزید پڑھیں: عمران خان سے بل گیٹس کا رابطہ، کورونا اور پولیو مہم پر تبادلہ خیال

رپورٹ کے مطابق پنجاب میں 91 فیصد، سندھ 84 فیصد، خیبر پختونخوا 83  اور بلوچستان میں 72 فیصد بچوں کی پولیو ویکسینیشن مکمل کرلی گئی ہے۔

کارکردگی رپورٹ کے مطابق آزاد جموں و کشمیر میں 95 فیصد، گلگت بلتستان 89 فیصد اور وفاقی دارالحکومت اسلام آباد میں 91 فیصد بچوں کی پولیو ویکسینیشن مکمل کرلی گئی ہے۔

رپورٹ کے مطابق قومی انسداد پولیو مہم ملک کی 7292 یونین کونسلز میں جاری ہے۔ پنجاب کی 3572 یونین کونسلز، سندھ کی 1125، خیبر پختونخوا کی 1430 اور بلوچستان کی 778 یونین کونسلز میں پولیو مہم جاری ہے۔

قومی انسداد پولیو مہمکی کارکردگی رپورٹ کے مطابق آزاد جموں و کشمیر کی 209 یونین کونسلز اور گلگت بلتستان کی 110 یونین کونسلز میں پولیو مہم جاری، ہے۔ قومی انسداد پولیو مہم میں 2 لاکھ 85 ہزار ورکرز حصہ لے رہے ہیں۔


متعلقہ خبریں