لاہورجلسہ: ہر شخص کے ہاتھ میں جھنڈا اور اس میں ڈنڈا ہوگا، کائرہ

لاہورجلسہ: ہر شخص کے ہاتھ میں جھنڈا اور اس میں ڈنڈا ہوگا، کائرہ

لاہور: پاکستان پیپلزپارٹی کے مرکزی رہنما قمر الزماں کائرہ نے کہا ہے کہ قیادت جب سمجھے گی استعفے دینے ہیں تو استعفے دے دیں گے۔ انہوں نے کہا کہ  جلسے میں ہر شخص کے ہاتھ میں جھنڈا ہو گا اور جھنڈے میں ڈنڈا ہو گا۔

لاہور جلسے سے نواز شریف کا خطاب فیصلہ کن ہو گا، رانا ثنا اللہ

ہم نیوز کے مطابق اجلاس کے بعد مشترکہ پریس کانفرنس سے خطاب کرتے ہوئے انہوں نے کہا کہ کوئی آئینی بحران لانے کا ارادہ نہیں ہے اورنہ ہی بدامنی چاہتے ہیں۔

پریس کانفرنس میں ن لیگ کے مرکزی رہنما اور رکن قومی اسمبلی رانا ثنا اللہ سمیت پی ڈی ایم کے مقامی رہنما بھی موجود تھے۔

سابق وفاقی وزیر قمر الزماں کائرہ نے کہا کہ ہم استعفوں کے بیان پر قائم ہیں۔ انہوں نے کہا کہ ہم صرف ملک میں آئین کی بالا دستی چاہتے ہیں۔

ایک سوال کے جواب میں پی پی کے مرکزی رہنما نے کہا کہ ہم نے 13 دسمبر کے جلسے کا لائحہ عمل طے کرنےکے لیے اجلاس بلایا تھا۔ انہوں نے کہا کہ لاہور کا جلسہ تاریخی ہو گا۔

ہم نیوز کے مطابق قمر الزماں کائرہ نے کڑی نکتہ چینی کرتے ہوئے کہا کہ وزیراعظم کہتے ہیں کہ جلسے والوں کو روکا نہیں جائے گا لیکن ڈپٹی کمشنر کہتے ہیں کہ جلسے کی اجازت نہیں ہے۔

لاہور: جلسہ کرنے پر ن لیگ کے مرکزی رہنماؤں کے خلاف مقدمہ درج

انہوں نے کہا کہ کرسیاں اور انتظام کرنے والوں کے خلاف مقدمات کی بات ہوئی ہے۔ انہوں نے استفسار کیا کہ وزیراعظم کا کون سا بیان ٹھیک ہے؟ انہوں نے دعویٰ کیا کہ حکومت سے ہر شخص تنگ ہے۔

ہم نیوز کے مطابق سابق وفاقی وزیر برائے اطلاعات و نشریات قمر الزماں کائرہ نے کہا کہ ہم نے جلسے سے متعلق کمیٹیاں بنائی ہیں۔

جعلی حکومت کے دن گنے جا چکے ہیں، مریم نواز

انہوں نے کہا کہ اے پی سی میں جو معاملات طے کیے تھے اس کی تمام جماعتیں پابند ہیں۔ انہوں نے کہا کہ ہم جمہوریت کے حامی تھے اور آئندہ بھی رہیں گے۔


متعلقہ خبریں