اسلام آباد: وزیراعظم عمران خان نے کہا ہے کہ بھارتی حکومت عالمی نظام کے استحکام کیلئے خطرہ بن چکی ہے۔
سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ گمراہ کن خبروں کا بھارتی نیٹ ورک بے نقاب ہوا ہے۔ ڈس انفو کے انکشافات نے پاکستان کا مؤقف درست ثابت کردیا ہے۔
The revelations by @DisinfoEU on the widespread Indian network of subversive activities vindicates Pakistan’s position & exposes its detractors. The international community needs to take notice of a rogue Indian regime that now threatens the stability of the global system.
— Imran Khan (@ImranKhanPTI) December 10, 2020
وزیراعظم نے مزید کہا کہ دنیا بدمعاش بھارتی حکومت کی تخریبی سرگرمیوں کا نوٹس لے۔ بھارت کی ریاستی دہشتگردی کا ڈوزیئر اقوام متحدہ کو دے چکے ہیں
وزیراعظم عمران خان نے کہا کہ پاکستان خطے میں جمہوریت کے خلاف بھارتی سرگرمیوں کی نشاندہی کرتا رہا ہے۔ بھارت جعلی خبروں کے نیٹ ورک سے انتہا پسندی کو ہوا دے رہا ہے۔
دوسری جانب بھارت کا جعلی خبروں کے ذریعے پاکستان مخالف مہم چلانے کا بھانڈا پھوٹ گیا ہے۔
یورپی تنظیم ’ای یو ڈس انفو لیب‘ نے بھارتی جھوٹ کی فیکٹری ’انڈیا کرونیکل‘ اور ’ای یو کرونیکل‘ کو بے نقاب کر دیا۔ پندرہ سال سے جاری بھارتی مہم کا مقصد پاکستان کو بدنام کرنا ہے۔
یہ بھی پڑھیں: بھارت: قطب مینار کی مسجد قوت الاسلام کو شہید کرنیکی سازش
انٹرنیٹ پر جعلی خبروں کے خلاف کام کرنے والی تنظیم ’ای یو ڈس انفولیب نے بڑے انکشافات کر دیے۔
تنظیم کے مطابق بھارت ویب سائٹ ’ انڈین کرونیکل‘ کے ذریعے جعلی خبریں پھیلا رہا ہے۔ انڈین کرونیکل اقوام متحدہ کی تنظیموں اور صحافیوں کے جعلی اکاؤنٹس سے جعلی خبریں پھیلاتی ہے۔
این جی او کے مطابق ’انڈین کرونیکل ‘ نے یورپی یونین کے لیے نئی ویب سائٹ بنائی ہے جس کے ذریعے یورپی قانون سازوں اور صحافیوں کے جعلی اکاؤنٹس بنا کر ان سے جعلی مضامین شیئر کرائے جاتے ہیں۔
بھارتی نیوز ایجنسی ’اے این آئی‘ ان جعلی خبروں کو بھارت میں پھیلاتی ہے۔ بھارت میں بزنس ورلڈ میگزین اور دیگر ادارے انہیں شائع کرتے ہیں۔ اس سے بھارت اور یورپی یونین میں پاکستان مخالف بیانیہ پھیلایا جاتا ہے۔
بھارتی ادارہ Srivastava اس کی پشت پناہی کر رہا ہے۔ یہ تنظیم پاکستان اور چین کے خلاف منفی مواد کی تشہیر میں ملوث ہے۔
جعلی خبروں کے ذریعے مقبوضہ کشمیر میں بھارت مخالف مہم کو غلط رنگ دیا جاتا ہے۔
