اداکارہ ماہرہ خان کا کورونا ٹیسٹ مثبت آگیا ہے اور انہوں نے سوشل میڈیا پر اس کی تصدیق بھی کردی ہے۔
انہوں نے انسٹاگرام پر لکھا کہ’ میں بہت جلد ٹھیک ہوجاؤں گی، برائے مہربانی ماسک پہنیں اور دیگر ایس او پیز پر عمل کریں، اپنے اور دوسروں کیلئے۔
View this post on Instagram
ماہرہ خان کو حال ہی میں دنیا کی 100 بااثر ترین خواتین میں شامل کیا گیا ہے۔ انہوں نے حال ہی میں اپنی فلم’نیلوفر‘ کی شوٹنگ مکمل کی ہے۔ اس فلم میں ماہرہ خان کے ساتھ فواد خان نے بھی اپنے فن کا مظاہرہ کیا ہے۔
اداکارہ ماہرہ خان نے کورونا ٹیسٹ مثبت آنے کے بعد خود کو قرنطینہ کرلیا ہے اور مداحوں سے دعاؤں کی اپیل کی ہے۔
قبل ازیں اداکارہ نیلم منیر کا کورونا ٹیسٹ بھی مثبت آیا تھا اور انہوں نے خود کو قرنطینہ کرلیا تھا۔ انہوں نے کورونا کو خطرناک وائرس قرار دیتے ہوئے مداحوں کو تمام حفاظتی تدابیر اپنانے کی ہدایت کی تھی۔
اداکارہ نے کہا کہ ہر کسی کو فیس ماسک پہننے سمیت دیگر ایس او پیز پر عمل کرنا چاہیے۔
ہم ٹی وی کے ڈرامہ سیریل ’انا‘ میں التمش کا کردار ادا کرکے شہرت کی بلندیوں کو چھونے والے اداکار عثمان مختار کو بھی کورونا ہو تھا۔ قبل ازیں مشہورگلوکار جواد احمد کا کورونا ٹیسٹ مثبت آیا تھا۔
