اسلام آباد: وزیراعظم عمران خان نے کہا ہے کہ مہنگے جلسے کے ذریعے این آر او لینے کی کوشش کی گئی، اپوزیشن کے لیے افسوسناک جواب ہے کہ این آر او نہیں ملے گا۔
اپوزیشن اتحاد پاکستان ڈیموکریٹک مومنٹ (پی ڈی ایم) کے لاہور جلسے پر ردعمل دیتے ہوئے انہوں نے کہا کہ پی ڈی ایم نے بہت ساری رقم، وقت، کوشش کر کے سنگدلی کا مظاہر کیا، لوگوں کی زندگیاں خطرے میں ڈالی گئیں۔
انہوں نے کہا کہ اس سے ظاہر ہوتا ہے کہ ان کے لیے شہریوں کی حفاظت کتنی اہم ہے، یہ سب لوٹی ہوئی دولت کو بچانےاور این آر او کے لیے مجھے بلیک میل کر رہے ہیں۔
پی ڈی ایم جلسہ: مولانا فضل الرحمان کا لانگ مارچ کا اعلان
ان کا کہنا تھا کہ میں ایک بار پھر اعادہ کرتا ہوں کہ میں کبھی ان کو این آر او نہیں دوں گا۔
Pathetic. PDM spent so much money, time, effort & displayed utter callousness by endangering ppl’s lives during COVID19 spike – showing the scant regard they have for citizens’ safety & well-being. All this just to blackmail me into giving them an NRO to save their looted wealth.
— Imran Khan (@ImranKhanPTI) December 13, 2020
وزیراعظم نے کہا کہ مستقبل میں پی ڈی ایم کے بلیک میل کرنے کے اور بھی منصوبے ہو سکتے ہیں، لٹیرے کوئی بھی ہتھکنڈا اختیار کریں، مجھے فرق نہیں پڑتا۔
