نئی دہلی: بھارت کی سابق حکمراں جماعت کانگریس کے مرکزی رہنما راہول گاندھی نے کہا ہے کہ ایک مرتبہ پھر ثابت ہو گیا ہے کہ بھارت میں فیس بک آزاد نہیں ہے۔
فیس بک کا دوہرا معیار: بھارتی بجرنگ دل کے حوالے سے نرم رویہ
ہم نیوز کے مطابق مؤقر امریکی اخبار وال اسٹریٹ جرنل میں شائع شدہ رپورٹ کا حوالہ دیتے ہوئے انہوں نے کہا ہے کہ بھارت میں فیس بک درآصل بی جے پی اور آر ایس ایس کے دباؤ میں کام کرتا ہے۔
Further confirmation that BJP-RSS control Facebook in India. pic.twitter.com/rsrAoMHYIW
— Rahul Gandhi (@RahulGandhi) December 14, 2020
بھارت کی سیاسی جماعت کانگریس کے سابق صدر راہول گاندھی نے سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں انہوں نے لکھا ہے کہ بھارت میں فیس بک پر بھارتیہ جنتا پارٹی اورراشٹریہ سویم سیوک سنگھ کا کنٹرول ہے۔
وزیراعظم کا اسلام مخالف مواد پر پابندی کیلئے فیس بک کے سربراہ کو خط
کانگریس کے مرکزی رہنما نے وال اسٹریٹ جرنل کی خبر کے حوالے سے ایک ٹی وی رپورٹ کی ویڈیو بھی اپنے پیغام کے ساتھ شیئر کی ہے۔
بھارت: اسلام مخالف مواد کو بڑھاوا دینے والی فیس بک کی پالیسی سربراہ مستعفی
ویڈیومیں کہا گیا ہے کہ فیس بک اپنا کاروبار بنا کسی رکاوٹ کے جاری رکھنے اور اپنے دفاترو ملازمین کے تحفظ کو یقینی بنانے کے لیے بجرنگ دل کے کارکنان کی اشتعال انگیزی پر کسی بھی قسم کی کارروائی نہیں کرتا ہے۔
