راولپنڈی: بھارتی فوج نے لائن آف کنٹرول (ایل او سی) کے چری سیکٹر پر اقوام متحدہ کی گاڑی پر بلااشتعال فائرنگ کی ہے۔
پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے یو این ملٹری آبزرورز کی گاڑیوں کو نشانہ بنایا جس میں 2 ملٹری آبزرور موجود تھے، خوش قسمتی سے دونوں مبصر محفوظ رہے۔
آئی ایس پی آر کے مطابق اقوام متحدہ کے فوجی مبصرین پولاچ گاؤں بھارتی فائرنگ سے متاثرہ افراد سے ملاقات کے لیے جا رہے تھے۔
Indian Army resorted to unprovoked fire in Chirikot Sector of #LOC. Indian troops deliberately targeted a United Nations vehicle with 2 Military Observers on board, enroute to interact with CFV victims in Polas Village in Chirikot Sector. It must be noted that the UN (1/4) pic.twitter.com/9MB0uLpq6d
— DG ISPR (@OfficialDGISPR) December 18, 2020
;
آئی ایس پی آر کے مطابق بھارتی فائرنگ سے گاڑیوں کو نقصان پہنچا ہے۔ پاک فوج نے ریسکیو آپریشن کر کے آبزرور کو راولاکوٹ پہنچایا ہے۔ بین الاقوامی قوانین کے خلاف بھارتی اقدام غیرقانونی ہے۔
آئی ایس پی آر کے مطابق اقوام متحدہ کے فوجی مبصرین کی گاڑیاں دور سے پہچانی جا سکتی تھیں۔