لاہور: وزیراعلیٰ پنجاب عثمان بزدار کا عالمی کورونا وائرس کا ٹیسٹ مثبت آ گیا ہے۔
فوکل پرسن وزیراعلیٰ پنجاب اظہر مشوانی نے سماجی رابطوں کی ویب سائٹ ٹوئٹر سے جاری اپنے پیغام میں بتایا ہے کہ ڈاکٹرز کی ہدایت پر عثمان بزدار نے خود کو 14 دن کے لیے گھر پر قرنطینہ کر لیا ہے۔
CM Punjab @UsmanAKBuzdar has tested positive for COVID-19.
He had mild symptoms (Fever and Flu) since last night and in self-isolation as per the advice of Doctors.Request for prayers for early recovery.
— Azhar Mashwani (@MashwaniAzhar) December 21, 2020
انہوں نے بتایا کہ وزیراعلیٰ پنجاب کو گزشتہ رات سے ہلکا بخار اور فلو ہے۔
خیال رہے کہ عالمی وبا کورونا وائرس کے سبب پاکستان میں مزید 62 افراد جان کی بازی ہار گئے اور مرنے والوں کی کل تعداد 9 ہزار 392 تک پہنچ چکی ہے۔
نیشنل کمانڈ اینڈ آپریشن سینٹر کے مطابق ملک میں ایک ہزار 792 نئے کیسز رپورٹ ہوئے اور مجموعی تعداد 4 لاکھ 58 ہزار 968 ہو گئی ہے۔
پاکستان میں کورونا کے 4 لاکھ 9 ہزار 85 مریض صحتیاب ہو چکے اور 40 ہزار 491 زیر علاج ہیں۔