اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ وزیر اعظم عمران خان نے پاکستان کی پہلی ڈرون پالیسی مرتب کرنے کی منظوری دی ہے۔
وفاقی وزیر فواد چوہدری نے سماجی رابطے کی ویب سائٹ ٹوئٹر پر لکھا کہ پالیسی کے تحت ملک میں ڈرونز اور زرعی ڈرون انڈسٹری میں نئی جہتیں آئیں گی۔
وزیر اعظم عمران خان نے پاکستان کی پہلی ڈرون پالیسی مرتب کرنے کی منظوری دی ہے، اس پالیسی کے نتیجے میں پاکستان میں ڈرونز اور خصوصاً زرعی ڈرون کی انڈسٹری میں نئ جہتیں آئینگی اور جدید ڈرونز کی پرائیویٹ امپورٹ بھی ممکن ہو سکے گی۔
— Ch Fawad Hussain (@fawadchaudhry) December 22, 2020
وفاقی وزیر سائنس و ٹیکنالوجی فواد چوہدری نے کہا کہ پالیسی سے جدید ڈرونز کی پرائیویٹ امپورٹ بھی ممکن ہو سکے گی۔
اس سے قبل وزیر اعظم عمران خان کا کہنا تھا کہ کورونا کے باوجود معیشت سے متعلق اچھی خبر ہے۔
یہ بھی پڑھیں: پاکستان میں کورونا سے مزید 82 افراد چل بسے
سماجی رابطے کی ویب سائٹ ٹوئٹر پر وزیر اعظم عمران خان نے لکھا کہ اسٹیٹ بینک کے ذخائر 3 ارب ڈالر ہیں جبکہ نومبر میں کرنٹ اکاوَنٹ سرپلس 447 ملین ڈالر رہا۔
ان کا کہنا تھا کہ مالی سال میں اب تک کرنٹ سر پلس ایک اعشاریہ 6 ارب ڈالر رہا۔
