کراچی: ایم کیو ایم کے سینئیر رہنما عامر خان بھی کورونا میں مبتلا ہو گئے۔ عامر خان نے خود کو گھر میں قرنطینہ کر لیا ہے۔
انہوں نے کارکنان اور عوام سے دعائے صحت کی اپیل کی ہے۔ عامر خان ایم کیو ایم میں سینئیر ڈپٹی کنونئیر کا عہدہ رکھتے ہیں۔
متحدہ قومی مومنٹ پاکستان کے رہنما فیصل سبزواری کا کورونا ٹیسٹ بھی اس سے قبل مثبت آیا تھا۔
پیپلز پارٹی کے سینئر رہنما سینیٹر مولا بخش چانڈیو کا کورونا وائرس ٹیسٹ مثبت آ گیا تھا۔ بلاول بھٹو زرداری کا کورونا ٹیسٹ بھی مثبت آ چکا ہے۔
مسلم لیگ ن کےسیکریٹری جنرل و سابق وزیر داخلہ احسن اقبال کا کورونا ٹیسٹ مثبت آیا تھا۔ پاکستان پیپلز پارٹی کے رہنما اور وزیراعلیٰ سندھ سید مراد علی شاہ کے معاون خصوصی راشد ربانی بھی کورونا میں مبتلا ہوئے تھے۔
