اسلام آباد: مسلم لیگ ن کے سینئر رہنما خرم دستگیر نے شاہد خاقان عباسی کو مریم نواز سے بڑا لیڈر قرار دے دیا۔
ہم نیوز کے پروگرام ’’بریکنگ پوائنٹ ود مالک‘‘ میں گفتگو کرتے ہوئے انہوں نے کہا کہ شاہد خاقان عباسی مریم نواز سے بڑے لیڈر ہیں۔
ان کا کہنا تھا کہ مریم نواز پارٹی آرگنائز کرنے میں بڑا کردار ادا کر رہی ہیں۔
خرم دستگیر نے کہا کہ نوازشریف کی نااہلی پر شاہد خاقان عباسی کو وزیراعظم بنایا گیا تھا اور وہ پارٹی کے سینئر نائب صدر ہیں۔
جس سے ریلوے نہیں چلی اسے وزارتِ داخلہ سونپ دی گئی، شاہد خاقان عباسی
ایک سوال کے جواب میں انہوں نے کہا کہ اس وقت پارلیمنٹ کو تالا لگا ہوا ہے، عوام موجودہ حکومت کو مزید وقت دینا نہیں چاہتی۔
انہوں نے کہا کہ ہمارا مقصد اس ملک میں جلد شفاف انتخابات کرانا ہے، استعفے دینے کے وقت کا خود انتخاب کریں گے، ہم نے ہر فورم پر عوام کے غصے کا اظہا رکرنا ہے۔
ان کا کہنا تھا کہ پی ڈی ایم کے سربراہی اجلاس میں فیصلہ ہوگا کہ الیکشن میں حصہ لینا ہے یا نہیں،حکومت کے خلاف عوام بڑی تعداد نکل رہی ہے۔
