عالمی شہرت یافتہ فٹبالرکرسٹیانو رونالڈو کو پلیئر آف دی سنچری قرار دے دیا گیا ہے۔
۔دبئی میں پروقار تقریب کا انعقاد کیا گیا جس میں اسپورٹس اور شوبز سے وابستہ شخصیات نے بڑی تعداد میں شرکت کی۔ رونالڈو گلوب ساکر ایوارڈز میں پلیئر آف دی سنچری قرار دیئے گئے ہیں۔ ریال میڈریڈ کو کلب آف دی سینچری قرار دیا گیا ہے۔
ایوارڈ وصول کرنے کے بعد رونالڈو نے کہا یہ ٹائٹل جیتنا میرے لیے باعث مسرت ہے۔ اتنے سال کھیل کر نمبر ون بننا آسان نہیں۔ مجھے واقعی فخر ہے لیکن یہ سب ٹیم، اچھے کوچ اور کلب کے بغیر ممکن نہیں ہے۔
??? Cristiano Ronaldo, addressing the audience after having received the AGENT OF THE CENTURY 2001-2020 Globe Soccer Award for Jorge Mendes, at tonight’s gala pic.twitter.com/QHUjoDi6GA
— Globe Soccer Awards (@Globe_Soccer) December 27, 2020
اس سے قبل پرتگال سے تعلق رکھنے والے فٹ بالر کرسٹیانو رونالڈو گولڈن فٹ کا اعزاز بھی دیا گیا تھا۔ گولڈن فٹ ایوارڈ کسی بھی فٹبالر کو زندگی میں صرف ایک بار ملتا ہے اور اس کے لیے فٹبالر کی عمر اٹھائیس سال سے زیادہ ہونی چاہیے۔
یہ بھی پڑھیں:رونالڈو نے ایک اور ایوارڈ اپنے نام کرلیا
سال 2019 میں گولڈن فٹ ایوارڈ کروشیا کے اسٹار فٹبالر لوکا موڈریچ کو ملا تھا۔ 2018 میں یہ ایوارڈ معروف فٹبالر ایڈیسن کوانی کو ملا۔
دبئی میں تقریب سے خطاب کرتے ہوئے رونالڈو نے کہا میں نے مسلسل 20 سال تک پیشہ ورانہ طریقے سے فٹبال کھیلا اور مجھے نہیں معلوم کوئی ایسا ریکارڈ ہو جو میرے پاس نہیں۔
کرسٹیانورونالڈو نے کہا میرے ساتھی کھلاڑیوں کے بغیر یہ ممکن نہیں تھا اور اس ایوارڈ سے مجھے مزید آگے جانے کا حوصلہ ملا ہے۔