لاہور: وزیر اعلیٰ پنجاب کی معاون خصوصی فردوس عاشق اعوان نے کہا ہے کہ مسلم لیگ ن نے قرض میں ڈبو کر عوام کو معاشی گھاؤ دیے۔
وزیر اعلیٰ پنجاب کی معاون خصوصی فردوس عاشق اعوان نے سماجی رابطے کی ویب سائٹ ٹوئٹر پر لکھا کہ مالی مشکلات کا مقابلہ، حکمت عملی کے ساتھ اور کفایت شعاری کے باعث مسلسل پانچویں ماہ کرنٹ اکاؤنٹ سرپلس رہا جبکہ کورونا کے دوران مالی مشکلات کے باوجود عوام کو 56 ارب کا ٹیکس ریلیف دیا گیا۔
انہوں نے کہا کہ وصولیوں کی مد میں رواں مالی سال کے ابتدائی 6 ماہ میں 42 فیصد اضافہ ہوا اور دیگر عوام دوست اقدامات کیے گئے۔
*مالی مشکلات کا مقابلہ، حکمت عملی کے ساتھ*
کفایت شعاری کے باعث مسلسل پانچویں ماہ کرنٹ اکاؤنٹ سرپلس، کورونا کے دوران مالی مشکلات کے باوجود عوام کو 56ارب کا ٹیکس ریلیف، وصولیوں کی مد میں رواں مالی سال کے ابتدائی6ماہ میں گذشتہ سال کی نسبت 42فیصد اضافہ اور دیگر عوام دوست اقدامات؛— Dr. Firdous Ashiq Awan (@Dr_FirdousPTI) January 3, 2021
فردوس عاشق اعوان نے کہا کہ بزدار حکومت کی کاوشوں کی بدولت معاشی اعشاریے بہتر معیشت کا پتہ دے رہے ہیں جبکہ شوباز اینڈ کمپنی نے بےدردی سے عوام کا پیسہ لوٹا۔
انہوں نے کہا کہ پنجاب کو ایک ہزار 200 ارب کے قرض میں ڈبو کر ن لیگ نے عوام کو معاشی گھاؤ دیے۔ بزدار حکومت وزیر اعظم عمران خان کی زیر سرپرستی ان زخموں کا مداوا کر رہی ہے۔
بزدار حکومت کی ان کاوشوں اور محنت ہی کی بدولت معاشی اعشاریے بہتر معیشت کا پتہ دے رہے ہیں۔ شوباز اینڈ کمپنی نے بےدردی سے عوامی پیسہ لوٹا! پنجاب کو1200ارب کے قرض میں ڈبو کر ن لیگ نے عوام کو جو معاشی گھاؤ دیئے بزدار حکومت وزیراعظم عمران خان کی زیر سرپرستی ان زخموں کا مداوا کررہی ہے۔
— Dr. Firdous Ashiq Awan (@Dr_FirdousPTI) January 3, 2021
