اسلام آباد: وفاقی وزیر اطلاعات شبلی فراز نے کہا ہے کہ دنیا مقبوضہ کشمیر میں انسانیت کے خلاف بھارتی جرائم پر خاموشی توڑے۔
وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر لکھا کہ حق خودارادیت انسان کا بنیادی پیدائشی اور عالمی قانونی حق ہے اور انسانی عظمت و وقار کے تقاضوں کا ایک لازمی جزو ہے۔
انہوں نے کہا کہ حق خودارادیت کی نفی انسانی آزادی، قدروں اور اصولوں کا انکار ہے اور ہم کشمیری حریت پسندوں کو سلام عقیدت پیش کرتے ہیں۔
حق خودارادیت انسان کا بنیادی پیدائشی اور عالمی قانونی حق ہے۔یہ انسانی عظمت ووقار کےتقاضوں کاایک لازمی جزو ہے۔اسکی نفی انسانی آزادی،قدروں اوراصولوں کاانکار ہے۔کشمیری حریت پسندوں کوسلام عقیدت پیش کرتے ہیں جنہیں کوئی جبروظلم اس جائز،بنیادی جمہوری حق کےحصول کی جدوجہدسے ہٹانہ سکا۔1/3
— Senator Shibli Faraz (@shiblifaraz) January 5, 2021
شبلی فراز نے کہا کہ آج کا دن اقوام متحدہ کو یاد دلاتا ہے کہ سیکورٹی کونسل کی 5 جنوری 1949 کو مقبوضہ جموں و کشمیر کے عوام کے مستقبل کے لیے حق خودارادیت دینے کی قرارداد پر تاحال عمل نہیں ہوا جبکہ دنیا مقبوضہ کشمیر میں انسانیت کے خلاف بھارتی جرائم پر خاموشی توڑے۔
آج کا دن اقوام متحدہ کو یاد دلاتا ہے کہ سیکورٹی کونسل کی5جنوری 1949ءکومقبوضہ جموں و کشمیر کے عوام کے مستقبل کے لیئے حق خودارادیت دینے کی قرارداد پر تاحال عمل نہیں ہوا۔ دنیا مقبوضہ کشمیر میں انسانیت کے خلاف بھارتی جرائم پرخاموشی توڑے۔2/3
— Senator Shibli Faraz (@shiblifaraz) January 5, 2021
انہوں نے کہا کہ وزیر اعظم عمران خان ہر عالمی فورم پر کشمیریوں کے سفیر بن کر مقدمہ لڑ رہے ہیں اور بھارت کا سیاہ چہرہ بے نقاب کرتے رہیں گے۔
وزیراعظم عمران خان ہر عالمی فورم پر کشمیریوں کے وکیل اور سفیر بن کر بہادر کشمیریوں کا مقدمہ بھرپور انداز سے لڑ رہے ہیں اور بھارت کا سیاہ چہرہ بے نقاب کرتے رہیں گے۔3/3
— Senator Shibli Faraz (@shiblifaraz) January 5, 2021
