اسلام آباد: وزیر اعظم عمران خان نے کہا ہے کہ ماہِ دسمبر میں 2 اعشاریہ 4 ارب ڈالر کی ترسیلات زر بھیجنے پر اوورسیز پاکستانیوں کا شکر گزار ہوں۔
سماجی رابطوں کی ویب سائٹ ٹوئٹر پر شیئر کیے گئے ایک پیغام میں عمران خان کا کہنا تھا کہ ماشاء اللہ پہلی مرتبہ پاکستان کی ترسیلات مسلسل 6 ماہ تک 2 ارب ڈالر سے زیادہ رہیں۔
ترسیلاتِ زر کےحوالے سےایک اور ریکارڈ شکن مہینے (دسمبر: 2.4 ارب $) پرمیں اپنےسمندر پار پاکستانیوں کامشکور ہوں۔ ماشاءاللہ پہلی مرتبہ پاکستان کی ترسیلات مسلسل 6 ماہ تک 2 ارب $ سےزیادہ رہیں۔ رواں مالی سال کےان 6 ماہ کی ترسیلات کامجموعی حجم 14.2 ارب $ رہاجوگزشتہ برس سے24.9% زیادہ ہے۔
— Imran Khan (@ImranKhanPTI) January 8, 2021
انہوں نے کہا کہ چھ ماہ میں مجموعی طور پر 14 اعشاریہ 2 ارب ڈالر ملک میں آئے۔
یہ بھی پڑھیں: ترسیلات زر مسلسل پانچویں مہینے بھی 2 ارب ڈالر سے زائد رہیں، اسٹیٹ بینک
وزیر اعظم عمران خان نے تحریر کیا کہ رواں مالی سال کےان 6 ماہ کی ترسیلات کامجموعی حجم 14.2 ارب ڈالر رہا جو گزشتہ برس سے 24.9 فی صد زیادہ ہے۔
