راولپنڈی: بھارتی فوج نے ایک مرتبہ پھر لائن آف کنٹرول (ایل او سی) پر جنگ بندی کے معاہدے کی خلاف ورزی کرتے ہوئے بلا اشتعال فائرنگ کی ہے۔
مقبوضہ کشمیر: بھارتی دہشت گردی،مزید تین نوجوانوں کو شہید کردیا
ہم نیوز نے پاک فوج کے شعبہ تعلقات عامہ (آئی ایس پی آر) کے حوالے سے بتایا ہے کہ ایل او سی پر بھارتی فوج نے جنگ بندی معاہدے کی خلاف ورزی کی ہے۔
آئی ایس پی آر کے مطابق دیوا سیکٹر میں بھارتی فوج کی بلااشتعال فائرنگ کا پاک فوج نے بھرپور جواب دیا ہے۔
ایل او سی: بھارتی فوج کی بلااشتعال فائرنگ، خاتون شہید، تین زخمی
پاک فوج کی جانب سے کی جانے والی جوابی فائرنگ سے بھارتی فوج کا جانی ومالی نقصان ہوا ہے۔
آئی ایس پی آر کے مطابق بھارتی فوج کی فائرنگ سے پاک فوج کے 28 سالہ سپاہی نبیل لیاقت نے جام شہادت نوش کیا ہے۔
ایل او سی: پاکستان نے بھارتی جاسوس ڈرون مار گرایا
آئی ایس پی آر کے مطابق پاک فوج کے شہید ہونے والے سپاہی نبیل لیاقت گوجر خان کے رہنے والے تھے۔
