لاہور: پاکستان مسلم لیگ نواز کی نائب صدر مریم نواز نے کہا ہے کہ پیٹرول بم گرانے کے ایک ہفتے کے اندر بجلی کی قیمتوں میں اضافے کا اعلان عوام دشمنی ہے۔
سماجی رابطے کی ویب سائٹ ٹویٹر پر اپنے پیغام میں مریم نواز نے کہا ہے کہ پیٹرول اور بجلی کی قیمتوں کا اثرضروریات زندگی کے تمام اشیا پر ہوتا ہے۔ مہنگائی کے اس دورمیں غریب کیسے زندہ رہے؟
پٹرول بم گرانے کے ایک ہفتے کے اندر بجلی کی قیمتوں میں اضافہ بدترین عوام دشمنی ہے۔ پٹرول اور بجلی کی قیمتوں کا اثر ضروریات زندگی کے تمام اشیا پر ہوتا ہے۔
کیا حکومت نے عوام کو اس قابل چھوڑا ہے کہ وہ نااہلی کے عذاب کا ہر ہفتے مقابلہ کرسکیں ؟ غریب کیسے زندہ رہے؟— Maryam Nawaz Sharif (@MaryamNSharif) January 21, 2021
انہوں نے کہا کہ عوام کا خون چوسنا موجودہ وزیراعظم سے بہتر کوئی نہیں جانتا۔ اس شخص کا وزیراعظم کی کرسی پر گزارا گیا ایک ایک لمحہ عوام پر بھاری ہے۔جو حکومت عوام کے ووٹ سے نہیں آتی اسےعوام کا احساس نہیں ہوتا۔
عوام کا خون چوسنا نالائق اعظم سے بہتر کوئی نہیں جانتا۔اس شخص کا وزیراعظم کی کرسی پر گزارا گیا ایک ایک لمحہ عوام پر بھاری ہے۔ جو حکومت عوام کے ووٹ سے نہیں آتی اسے نا عوام کا احساس ہوتا ہے نا وہ عوام کو جوابدہ ہوتی ہے۔ یہ سمجھ گیا ہے کہ اسکی ناجائز حکومت کے ساتھ اسکی سیاست بھی ختم۔
— Maryam Nawaz Sharif (@MaryamNSharif) January 21, 2021
مریم نواز نے کہا ہے کہ 7 سال سے پارٹی کا بانی رکن دہائی دے رہا ہے جبکہ 7 سال سے آپ درخواستیں دے رہے ہیں کہ کارروائی خفیہ رکھی جائے۔ 7 سال سے آپ کاغذات پیش نہیں کررہے ہیں۔ 7 سال سے تم تاخیری ہتھکنڈے استعمال کررہے ہو۔
7 سال سے پارٹی کا بانی رکن دہائی دے رہا ہے
7 سال سے تم درخواستیں دے رہے ہو کہ کارروائی خفیہ رکھی جائے
7سال سے تم کاغذات پیش نہیں کر رہے
7 سال سے تم تاخیری ہتھکنڈے استعمال کر رہے ہو-— Maryam Nawaz Sharif (@MaryamNSharif) January 21, 2021
خیال رہے کہ اس سے قبل وفاقی وزیر برائے توانائی عمر ایوب نے کہا تھا کہ سابقہ حکومتوں نے بارودی سرنگیں لگائی تھیں۔ 2019 تک 227 ارب روپے کی بارودی سرنگ ہمیں ورثے میں ملیں۔ماضی کی حکومت کی وجہ سے بجلی کی قیمتوں میں اضافہ کیا گیا۔
اسلام آباد میں وزیر منصوبہ بندی اسد عمر اور وزیراعظم کے معاون خصوصی تابش گوہر کے ہمراہ پریس کانفرنس کرتے ہوئے عمر ایوب نے کہا کہ توانائی کے مسائل ہماری حکومت کو ورثے میں ملے۔ ن لیگ کی حکومت نے ایسا خسارہ چھوڑا کہ ہمیں ادائیگیاں کرنا پڑیں۔شعبہ توانائی میں گردشتی قرضہ ن لیگ حکومت کی کار ستارنی ہے۔ ن لیگ حکومت نے دانستہ طور پر بدنیتی پر معاہدے کرکے کارخانے لگائے۔
انہوں نے کہا کہ ن لیگ حکومت کی وجہ سے ملک میں 43 فیصد بجلی مہنگی بنتی ہے۔ عوام پر بوجھ ڈالتے تو یہ تقریباً 202 روپے اور 61 پیسے فی یونٹ بنتا ہے۔ بجلی کے فی یونٹ میں ایک روپے 95 پیسے کا اضافہ کرنے جارہے ہیں۔ مشکل معاشی حالات کے باوجود پاور سیکٹر کیلئے 473 ارب روپے سبسڈی دی۔