گورنر ہاؤس کراچی کی گاڑی میں کتے کی ویڈیو سوشل میڈیا پر وائرل ہونے کے بعد گورنر سندھ عمران اسماعیل نے وضاحت جاری کر دی ہے۔
گاڑی میں کتے کی وائرل ہونے والی ویڈیو کے معاملے پر عمران اسماعیل نے کہا ہے کہ گاڑی میں ان کی فیملی بھی سوار تھی۔
ٹویٹر پر ویڈیو پیغام میں گورنر سندھ عمران اسماعیل کا کہنا تھا کہ جس گاڑی میں کتا نظر آ رہا ہے اس میں میری فیملی بھی موجود تھی۔
— Imran Ismail (@ImranIsmailPTI) January 27, 2021
انہوں نے کہا جس نے ویڈیو بنائی وہ ایک کرپٹ حکومت کا حصہ ہے، پولیس موبائل پروٹوکول نہیں بلکہ فیملی کی حفاظت کے لیے تھی۔
ان کا کہنا ہے کہ ویڈیو بنا کر غیر سنجیدہ حرکت کی گئی، ہم تبدیلی کے لیے آئے ہیں اور تبدیلی لائیں گے۔
سندھ کے صوبائی وزیر تیمور تالپور نے گورنر ہاؤس کی پروٹوکول والی گاڑی میں کتے کی سواری کی ویڈیو ٹویٹر پر شیئر کی تھی۔
VIP movement for one of the pets of PTI??#NayaPakistan#SaddakuttakuttaTaudakuttaSherro pic.twitter.com/dZr7hgaIcr
— Taimur Talpur (@TaimurTapur) January 27, 2021
ویڈیو سوشل میڈیا پر وائرل ہونے کے ساتھ ٹوئٹر پر’گورنر کی گاڑی میں کتا‘ ٹاپ ٹرینڈ بن گیا ہے اور صارفین سخت تنقید کیساتھ مذاق بھی بنا رہے ہیں۔
