شوبز کی رنگا رنگ دنیا سے کنارہ کشی کرنے والی سابق گلوکارہ رابی پیرزادہ نے وفاقی وزیر سائنس و ٹیکنالوجی فواد چودھری سے ویڈیو شیئرنگ ایپ ٹک ٹاک پر پابندی عائد کرنے کا مطالبہ کر دیا۔
سماجی رابطوں کی ویب سائٹ ٹوئٹر سے جاری اپنے پیغام میں انہوں نے فواد چودھری کو مخاطب کرتے ہوئے کہا کہ اگر آپ بسنت اور شیشہ کیفے بند کر سکتے ہیں تو ٹک ٹاک کیوں نہیں، کیا اور لاشیں چاہیں؟
انہوں نے کہا کہ میں گریز کرتی ہوں کسی شخصیت کے خلاف بات کرنے سے کیونکہ یہ گناہ ہے،مگر روز روز ٹک ٹاک ہر نوجوان نسل کو حرام موت مرتے دیکھ کر دل روتا ہے۔
ان کا کہنا تھا کہ یہ معاملہ الیکٹرک کاروں سے یہ زیادہ سنجیدہ ہے۔
میں گریز کرتی ہوں کسی شخصیت کے خلاف بات کرنے سے،غیبت گناہ ہے،مگر روز روز ٹک ٹاک ہر نوجوان نسل کو حرام موت مرتے دیکھ کر دل روتا ہے، اگر آپ بسنت بند کرسکتے ہیں شیشہ کیفے بند کرسکتے ہیں تو ٹک ٹاک کیوں نہیں، کیا اور لاشیں چاہئیں؟ @fawadchaudhry its more serious than electric cars
??— Rabi Pirzada (@Rabipirzada) January 26, 2021
