بالی وڈ کی صفِ اول کی اداکارہ انوشکا شرما نے اپنی اور مایہ ناز بھارتی کرکٹر ویرات کوہلی کی بیٹی کی پہلی تصویر شیئر کر دی ہے۔
انوشکا شرما گزشتہ ماہ ایک ننھی پری کی والدہ بنی ہیں، انہوں نے فوٹو اور ویڈیو شیئرنگ ایپلیکیشن (ایپ) انسٹاگرام پر اپنی فیملی فوٹو شیئر کی۔
تصویر میں انوشکا نے اپنی بیٹی کو اٹھا رکھا ہے جبکہ والد ویرات کوہلی پیار بھری نگاہوں سے بیٹی کو دیکھ رہے ہیں۔
View this post on Instagram
انوشکا شرما نے اس خوبصورت تصویر کے کیپشن میں مداحوں کو اپنی بیٹی کا نام بھی بتایا اور تحریر کیا کہ ’ہم اپنی زندگی محبت اور شُکرگزاری کے ساتھ بسر کر رہے تھے لیکن ہماری ’وامیکا‘ نے اس دُنیا میں آکر ہماری زندگی کو ایک نیا مقصد دیا ہے‘۔
یہ بھی پڑھیں: ویرات کوہلی اور انوشکا شرما کے ہاں بیٹی کی پیدائش
انہوں نے ماں بننے کے احساس کو بیان کرتے ہوئے لکھا کہ ’محبت، پیار، جذبات، آنسو، پریشانی، نیند کی کمی وغیرہ سب کا تجربہ ہو رہا ہے لیکن یہ سب واقعی میں بہت اچھا ہے۔
آخر میں انوشکا شرما نے اُن تمام لوگوں کا شکریہ ادا کیا جنہوں نے اس خوبصورت فیملی کے لیے دُعائیہ اور محبت بھرے پیغامات بھیجے تھے۔