شہرہ آفاق پاپ اسٹار ریحانہ نے بھارت میں احتجاج کرنے والے کسانوں سے متعلق اپنے ردِ عمل کا کا اظہار کیا تو اداکارہ کنگنا رناوت سیخ پا ہو گئیں۔
یہ بھی پڑھیں: امریکی گلوکارہ بھی بھارتی مظالم کیخلاف بول اٹھیں
امریکی عالمی شہرت یافتہ گلوکارہ ریحانہ نے سماجی رابطے کی ویب سائٹ ٹوئٹر پر لکھا کہ دنیا بھارتی مظالم پر کیوں خاموش ہے ؟ ہم بھارتی کسانوں پر ہونے والے مظالم پر بات کیوں نہیں کر رہے؟
why aren’t we talking about this?! #FarmersProtest https://t.co/obmIlXhK9S
— Rihanna (@rihanna) February 2, 2021
پاپ گلوکارہ ریحانہ نے اس ٹوئٹ میں ‘فارمرز پروٹیسٹ’ یعنی کسانوں کا احتجاج ہیش ٹیگ کا بھی استعمال کیا۔
امریکی گلوکارہ کے ٹوئٹ کرنے پر بھارتی اداکارہ کنگنا رناوت ہمیشہ کی طرح مودی سرکار کو خوش کرنے کے چکر میں بیچ میں کود پڑیں۔
بھارتی اداکارہ کنگنا رناوت ریحانہ کے ٹوئٹ پر سیخ پا ہو گئیں۔ انہوں نے ریحانہ کو بےوقوف اور پر امن کسانوں کو دہشت گرد قرار دے دیا۔
No one is talking about it because they are not farmers they are terrorists who are trying to divide India, so that China can take over our vulnerable broken nation and make it a Chinese colony much like USA…
Sit down you fool, we are not selling our nation like you dummies. https://t.co/OIAD5Pa61a— Kangana Ranaut (@KanganaTeam) February 2, 2021
کنگنا رناوت نے لکھا کہ ‘اس بارے میں کوئی اس لیے بات نہیں کر رہا کیوں کہ یہ کسان نہیں دہشت گرد ہیں جو بھارت کو توڑنا چاہتے ہیں تا کہ چین اس ٹوٹی ہوئی قوم پر قبضہ کر لے اور اسے امریکا کی طرح ایک چینی کالونی بنا لے’۔
انہوں نے ریحانہ کو مخاطب کرتے ہوئے تحریر کیا کہ تم بیٹھ جاؤ بے وقوف، ہم اپنی قوم کو تم جیسی کٹھ پتلیوں کی طرح نہیں بیچ سکتے۔
