پاکستانی ڈرامہ انڈسٹری کی معروف اداکارہ عائزہ خان نے اپنی کامیابی کے راز سے پردہ اٹھا دیا ہے۔
ہم ٹی وی کے ڈرامہ ’میرے مہرباں‘ میں شاندار اداکاری کا مظاہرہ کرکے شہرت و داد سمیٹنے والی عائزہ خان ان دنوں سوشل میڈیا پر چھائی ہوئی ہیں۔
عائزہ خان اپنے مداحوں کو یکے بعد دیگرے ہٹ ڈرامے دینے کے بعد آج کل ماڈلنگ کی جانب زیادہ متوجہ دکھائی دیتی ہیں۔
یہ بھی پڑھیں: عائزہ خان کا ’ارتغرل‘ کی اداکارہ کے نام محبت بھرا پیغام
گزشتہ دِنوں عائزہ نے اپنے نئے پراجیکٹ سے متعلق کچھ معلومات مداحوں سے شیئر کیں جس نے ان کے مداحوں کو اداکارہ کے نئے پراجیکٹ سے متعلق تجسس میں مبتلا کر دیا۔
اب عائزہ نے مداحوں کو نصیحت کرتے ہوئے اپنی کامیابی کے راز سے پردہ اٹھایا ہے۔
View this post on Instagram
اداکارہ نے سماجی رابطوں کی ویب سائٹ انسٹاگرام پر ایک پوسٹ شیئر کی جس میں انہوں نے فالوور کو پیغام دیا ہے کہ ’خود پر اعتماد اور یقین رکھیں اور اپنے خوابوں کی طاقت کو جانیں‘۔
عائزہ کی اس تصویر کو مداحوں کی جانب سے بہت پسند کیا جا رہا ہے اور ان کے لیے پسندیدگی کا اظہار کیا جا رہا ہے۔
