یومِ یکجہتی کشمیر کے موقع پر چیف آف آرمی اسٹاف جنرل قمر جاوید باجوہ نے کشمریوں کی جدوجہد آزادی کو سلام پیش کیا ہے۔
پاک فوج کے شعبہ تعلقاتِ عامہ (آئی ایس پی آر) کی جانب سے جاری کردہ پیغام کے مطابق آرمی چیف نے یوم یکجہتی کشمیر پر پیغام دیتے ہوئے کہا ہے کہ کشمیری عوام بھارتی مظالم کا جرات و بہادری سے مقابلہ کر رہے ہیں۔
“Salute 2 Kashmiris for their valiant struggle, braving gravest atrocities, human rights violations & lockdown in IIOJ&K under Indian occupation forces. Time 2 end this human tragedy & resolve #Kashmir issue as per aspirations of people of J&K & #UN resolutions”COAS.
— DG ISPR (@OfficialDGISPR) February 5, 2021
آئی ایس پی آر کے ٹوئٹر پیغام کے مطابق جنرل قمر جاوید باجوہ نے کہا کہ مقبوضہ کشمیر کے شہری بھارتی افواج کے بہیمانہ مظالم، انسانی حقوق کی پامالی اور بھارتی فورسز کے لاک ڈاؤن کا سامنا کر رہے ہیں۔
انہوں نے کہا کہ اس انسانی المیے کو ختم کرنے کا وقت ا گیا ہے، جموں و کشمیر کے مسئلے کو عوام کی خواہشات کے مطابق حل کیا جائے۔
یہ بھی پڑھیں: کشمیر اور پاکستان -یک جان: قوم آج یوم یکجہتی کشمیر منا رہی ہے
خیال رہے کہ آج پاکستان سمیت دنیا بھر میں یومِ یکجہتی کشمیر منایا جا رہا ہے۔ اس دن کو منانے کا مقصد بھارتی مصائب و مظالم کے خلاف کشمیری عوام سے یکجہتی کا اظہار کرنا ہے۔