کراچی: وفاقی وزیر برائے منصوبہ بندی اسد عمر نے الزام عائد کیا ہے کہ کراچی میں ہیلتھ ورکرز کے علاوہ جان پہچان والوں کوبھی کورونا ویکسین لگائی جارہی ہے۔ انہوں ںے کہا کہ کراچی میں وی وی آئی پیز کو کورونا ویکسین لگانا غلط ہے۔
کورونا ویکسین لگانے میں امیر غریب کا فرق نہیں دیکھا جائیگا، وزیراعظم
ہم نیوز کے مطابق پاکستان تحریک انصاف سے تعلق رکھنے والے وفاقی وزیر نے کہا کہ وزیراعظم کے معاون خصوصی برائے صحت ڈاکٹر فیصل سلطان کی سربراہی میں حکومت سندھ کے نمائندوں سے اس ضمن میں باقاعدہ میٹنگ کی گئی ہے۔ ان کا کہنا تھا کہ خاموش تماشائی بن کر نہیں بیٹھ سکتے ہیں۔
وفاقی وزیر اسد عمر نے کہا کہ ہونے والی میٹنگ میں حکومت سندھ کے نمائندوں سے سختی سے کہا گیا ہے کہ صرف ہیلتھ ورکرز کو کورونا ویکسین لگائی جائے۔ انہوں نے کہا کہ کورونا ویکسین قوم کی امانت ہے جو ابھی صرف ہیلتھ ورکرز کو لگنی چاہیے۔
سندھ: 84 ہزار ہیلتھ کیئر ورکرز کو ویکسین کا پہلا ڈوز دیا جائے گا
ہم نیوز کے مطابق انہوں نے کہا کہ ابھی تک وزیراعظم اور وزرا سمیت ان کے خاندانوں نے ویکسین نہیں لگوائی ہے۔ انہوں ںے کہا کہ ویکسین صوبائی حکومت کے کنٹرول میں دی گئی لیکن خاموش ہو کر نہیں بیٹھ سکتے ہیں۔
ہم نیوز کے مطابق پی ٹی آئی کے وفاقی وزیر نے کہا کہ شکایات موصول ہوئی تھیں کہ کراچی میں کورونا ویکسین ہیلتھ ورکرز کے علاوہ جان پہنچان والوں کو بھی لگائی جا رہی ہے۔
پاکستانیوں کو کورونا ویکسین لگانے کی حکمت عملی تیار
اسد عمر کے مطابق ان شکایات کا فوری طورپر نوٹس لیا گیا اور این سی او سی کی ٹیم نے ڈاکٹر فیصل سلطان کی سربراہی میں حکومت سندھ کے نمائندوں سے میٹنگ کی اور تاکید کی کہ کورونا ویکسین صرف ہیلتھ ورکرز کو لگائی جائے۔
